| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੦. ਦੁਤਿਯਉਪ੍ਪਾਦਸੁਤ੍ਤਂ
10. Dutiyauppādasuttaṃ
੫੩੦. ‘‘ਪਞ੍ਚਿਮਾਨਿ , ਭਿਕ੍ਖવੇ, ਇਨ੍ਦ੍ਰਿਯਾਨਿ ਭਾવਿਤਾਨਿ ਬਹੁਲੀਕਤਾਨਿ ਅਨੁਪ੍ਪਨ੍ਨਾਨਿ ਉਪ੍ਪਜ੍ਜਨ੍ਤਿ, ਨਾਞ੍ਞਤ੍ਰ ਸੁਗਤવਿਨਯਾ। ਕਤਮਾਨਿ ਪਞ੍ਚ? ਸਦ੍ਧਿਨ੍ਦ੍ਰਿਯਂ, વੀਰਿਯਿਨ੍ਦ੍ਰਿਯਂ, ਸਤਿਨ੍ਦ੍ਰਿਯਂ, ਸਮਾਧਿਨ੍ਦ੍ਰਿਯਂ, ਪਞ੍ਞਿਨ੍ਦ੍ਰਿਯਂ – ਇਮਾਨਿ ਖੋ, ਭਿਕ੍ਖવੇ, ਪਞ੍ਚਿਨ੍ਦ੍ਰਿਯਾਨਿ ਭਾવਿਤਾਨਿ ਬਹੁਲੀਕਤਾਨਿ ਅਨੁਪ੍ਪਨ੍ਨਾਨਿ ਉਪ੍ਪਜ੍ਜਨ੍ਤਿ, ਨਾਞ੍ਞਤ੍ਰ ਸੁਗਤવਿਨਯਾ’’ਤਿ। ਦਸਮਂ।
530. ‘‘Pañcimāni , bhikkhave, indriyāni bhāvitāni bahulīkatāni anuppannāni uppajjanti, nāññatra sugatavinayā. Katamāni pañca? Saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ – imāni kho, bhikkhave, pañcindriyāni bhāvitāni bahulīkatāni anuppannāni uppajjanti, nāññatra sugatavinayā’’ti. Dasamaṃ.
ਸੂਕਰਖਤવਗ੍ਗੋ ਛਟ੍ਠੋ।
Sūkarakhatavaggo chaṭṭho.
ਤਸ੍ਸੁਦ੍ਦਾਨਂ –
Tassuddānaṃ –
ਸਾਲਂ ਮਲ੍ਲਿਕਂ ਸੇਖੋ ਚ, ਪਦਂ ਸਾਰਂ ਪਤਿਟ੍ਠਿਤਂ।
Sālaṃ mallikaṃ sekho ca, padaṃ sāraṃ patiṭṭhitaṃ;
ਬ੍ਰਹ੍ਮਸੂਕਰਖਤਾਯੋ, ਉਪ੍ਪਾਦਾ ਅਪਰੇ ਦੁવੇਤਿ॥
Brahmasūkarakhatāyo, uppādā apare duveti.
