| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༡༠. དུཏིཡཨུཔྤཱདསུཏྟཾ
10. Dutiyauppādasuttaṃ
༥༣༠. ‘‘པཉྩིམཱནི , བྷིཀྑཝེ, ཨིནྡྲིཡཱནི བྷཱཝིཏཱནི བཧུལཱིཀཏཱནི ཨནུཔྤནྣཱནི ཨུཔྤཛྫནྟི, ནཱཉྙཏྲ སུགཏཝིནཡཱ། ཀཏམཱནི པཉྩ? སདྡྷིནྡྲིཡཾ, ཝཱིརིཡིནྡྲིཡཾ, སཏིནྡྲིཡཾ, སམཱདྷིནྡྲིཡཾ, པཉྙིནྡྲིཡཾ – ཨིམཱནི ཁོ, བྷིཀྑཝེ, པཉྩིནྡྲིཡཱནི བྷཱཝིཏཱནི བཧུལཱིཀཏཱནི ཨནུཔྤནྣཱནི ཨུཔྤཛྫནྟི, ནཱཉྙཏྲ སུགཏཝིནཡཱ’’ཏི། དསམཾ།
530. ‘‘Pañcimāni , bhikkhave, indriyāni bhāvitāni bahulīkatāni anuppannāni uppajjanti, nāññatra sugatavinayā. Katamāni pañca? Saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ – imāni kho, bhikkhave, pañcindriyāni bhāvitāni bahulīkatāni anuppannāni uppajjanti, nāññatra sugatavinayā’’ti. Dasamaṃ.
སཱུཀརཁཏཝགྒོ ཚཊྛོ།
Sūkarakhatavaggo chaṭṭho.
ཏསྶུདྡཱནཾ –
Tassuddānaṃ –
སཱལཾ མལླིཀཾ སེཁོ ཙ, པདཾ སཱརཾ པཏིཊྛིཏཾ།
Sālaṃ mallikaṃ sekho ca, padaṃ sāraṃ patiṭṭhitaṃ;
བྲཧྨསཱུཀརཁཏཱཡོ, ཨུཔྤཱདཱ ཨཔརེ དུཝེཏི༎
Brahmasūkarakhatāyo, uppādā apare duveti.
