| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૧૦. દુતિયઉપ્પાદસુત્તં
10. Dutiyauppādasuttaṃ
૫૩૦. ‘‘પઞ્ચિમાનિ , ભિક્ખવે, ઇન્દ્રિયાનિ ભાવિતાનિ બહુલીકતાનિ અનુપ્પન્નાનિ ઉપ્પજ્જન્તિ, નાઞ્ઞત્ર સુગતવિનયા. કતમાનિ પઞ્ચ? સદ્ધિન્દ્રિયં, વીરિયિન્દ્રિયં, સતિન્દ્રિયં, સમાધિન્દ્રિયં, પઞ્ઞિન્દ્રિયં – ઇમાનિ ખો, ભિક્ખવે, પઞ્ચિન્દ્રિયાનિ ભાવિતાનિ બહુલીકતાનિ અનુપ્પન્નાનિ ઉપ્પજ્જન્તિ, નાઞ્ઞત્ર સુગતવિનયા’’તિ. દસમં.
530. ‘‘Pañcimāni , bhikkhave, indriyāni bhāvitāni bahulīkatāni anuppannāni uppajjanti, nāññatra sugatavinayā. Katamāni pañca? Saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ – imāni kho, bhikkhave, pañcindriyāni bhāvitāni bahulīkatāni anuppannāni uppajjanti, nāññatra sugatavinayā’’ti. Dasamaṃ.
સૂકરખતવગ્ગો છટ્ઠો.
Sūkarakhatavaggo chaṭṭho.
તસ્સુદ્દાનં –
Tassuddānaṃ –
સાલં મલ્લિકં સેખો ચ, પદં સારં પતિટ્ઠિતં;
Sālaṃ mallikaṃ sekho ca, padaṃ sāraṃ patiṭṭhitaṃ;
બ્રહ્મસૂકરખતાયો, ઉપ્પાદા અપરે દુવેતિ.
Brahmasūkarakhatāyo, uppādā apare duveti.
