| Library / Tipiṭaka / तिपिटक • Tipiṭaka / संयुत्तनिकाय • Saṃyuttanikāya |
१०. दुतियउप्पादसुत्तं
10. Dutiyauppādasuttaṃ
५३०. ‘‘पञ्चिमानि , भिक्खवे, इन्द्रियानि भावितानि बहुलीकतानि अनुप्पन्नानि उप्पज्जन्ति, नाञ्ञत्र सुगतविनया। कतमानि पञ्च? सद्धिन्द्रियं, वीरियिन्द्रियं, सतिन्द्रियं, समाधिन्द्रियं, पञ्ञिन्द्रियं – इमानि खो, भिक्खवे, पञ्चिन्द्रियानि भावितानि बहुलीकतानि अनुप्पन्नानि उप्पज्जन्ति, नाञ्ञत्र सुगतविनया’’ति। दसमं।
530. ‘‘Pañcimāni , bhikkhave, indriyāni bhāvitāni bahulīkatāni anuppannāni uppajjanti, nāññatra sugatavinayā. Katamāni pañca? Saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ – imāni kho, bhikkhave, pañcindriyāni bhāvitāni bahulīkatāni anuppannāni uppajjanti, nāññatra sugatavinayā’’ti. Dasamaṃ.
सूकरखतवग्गो छट्ठो।
Sūkarakhatavaggo chaṭṭho.
तस्सुद्दानं –
Tassuddānaṃ –
सालं मल्लिकं सेखो च, पदं सारं पतिट्ठितं।
Sālaṃ mallikaṃ sekho ca, padaṃ sāraṃ patiṭṭhitaṃ;
ब्रह्मसूकरखतायो, उप्पादा अपरे दुवेति॥
Brahmasūkarakhatāyo, uppādā apare duveti.
