| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
১০. দুতিযউপ্পাদসুত্তং
10. Dutiyauppādasuttaṃ
৫৩০. ‘‘পঞ্চিমানি , ভিক্খৰে, ইন্দ্রিযানি ভাৰিতানি বহুলীকতানি অনুপ্পন্নানি উপ্পজ্জন্তি, নাঞ্ঞত্র সুগতৰিনযা। কতমানি পঞ্চ? সদ্ধিন্দ্রিযং, ৰীরিযিন্দ্রিযং, সতিন্দ্রিযং, সমাধিন্দ্রিযং, পঞ্ঞিন্দ্রিযং – ইমানি খো, ভিক্খৰে, পঞ্চিন্দ্রিযানি ভাৰিতানি বহুলীকতানি অনুপ্পন্নানি উপ্পজ্জন্তি, নাঞ্ঞত্র সুগতৰিনযা’’তি। দসমং।
530. ‘‘Pañcimāni , bhikkhave, indriyāni bhāvitāni bahulīkatāni anuppannāni uppajjanti, nāññatra sugatavinayā. Katamāni pañca? Saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ – imāni kho, bhikkhave, pañcindriyāni bhāvitāni bahulīkatāni anuppannāni uppajjanti, nāññatra sugatavinayā’’ti. Dasamaṃ.
সূকরখতৰগ্গো ছট্ঠো।
Sūkarakhatavaggo chaṭṭho.
তস্সুদ্দানং –
Tassuddānaṃ –
সালং মল্লিকং সেখো চ, পদং সারং পতিট্ঠিতং।
Sālaṃ mallikaṃ sekho ca, padaṃ sāraṃ patiṭṭhitaṃ;
ব্রহ্মসূকরখতাযো, উপ্পাদা অপরে দুৰেতি॥
Brahmasūkarakhatāyo, uppādā apare duveti.
