| Library / Tipiṭaka / តិបិដក • Tipiṭaka / វជិរពុទ្ធិ-ដីកា • Vajirabuddhi-ṭīkā |
២-៣-៤. ទុតិយតតិយចតុត្ថសិក្ខាបទវណ្ណនា
2-3-4. Dutiyatatiyacatutthasikkhāpadavaṇṇanā
៨៤២-៦. ទុតិយតតិយចតុត្ថានិ ឧត្តានានិ។ សព្ពត្ថ ‘‘សល្លបតីតិ យំ កិញ្ចិ តិរច្ឆានកថំ កថេតី’’តិ បោរាណគណ្ឋិបទេ វុត្តំ។
842-6. Dutiyatatiyacatutthāni uttānāni. Sabbattha ‘‘sallapatīti yaṃ kiñci tiracchānakathaṃ kathetī’’ti porāṇagaṇṭhipade vuttaṃ.
៨៥២. ចតុត្ថេ បនាយំ វិសេសោ – ‘‘ឯកេនេកា’’តិ បឋមំ វុត្តត្តា ទុតិយិកំ វា ភិក្ខុនីនំ ឧយ្យោជេយ្យ, បាចិត្តិយំ ន សម្ភវតីតិ ចេ? សម្ភវតិ។ កស្មា? សន្តិដ្ឋនាទិត្តយមត្តាបេក្ខត្តា, តស្ស វចនស្សាបិ វា អញ្ញាយបិ រហោបេក្ខនស្សាទសម្ភវេ សតិ ឧភិន្នំ ឯកត្ថសម្ភវតោ ច សាធិតមេតំ។ ‘‘ហត្ថបាសំ វិជហិត្វា សន្តិដ្ឋតិ វា សល្លបតិ វា’’តិ ឯត្តកមេវ វុត្តំ។ កស្មា ‘‘និកណ្ណិកំ វា ជប្បេតី’’តិ ន វុត្តំ? ហត្ថបាសាតិក្កមេ អសម្ភវតោ។ តស្ស តតិយស្ស បទស្ស បច្ឆិន្នត្តា សម្ភវន្តម្បិ ‘‘ទុតិយិកំ វា ឧយ្យោជេតី’’តិ ន វុត្តំ, តស្មា អត្ថតោ ហត្ថបាសំ វិជហិត្វា សន្តិដ្ឋតិ វា សល្លបតិ វា ទុតិយិកំ វា ឧយ្យោជេតិ, អាបត្តិ ទុក្កដស្សាតិ វុត្តំ ហោតិ។ ឯស នយោ យក្ខេន វាតិអាទីសុបិ។ តត្ថ ‘‘ហត្ថបាសេ’’តិ វា ‘‘ហត្ថបាសំ វិជហិត្វា’’តិ វា ន វុត្តំ ឧភយត្ថ ទុក្កដត្តា។ អនាបត្តិវារេបិ អសម្ភវតោ ‘‘និកណ្ណិកំ វា ជប្បេតី’’តិ ន វុត្តន្តិ ចេ? សម្ភវតិ សតិ ករណីយេ និកណ្ណិកំ វា ជប្បេតីតិ សម្ភវតោ។ អថ កស្មា ឯវំ ន វុត្តន្តិ ចេ? អនវជ្ជកថាយំ និកណ្ណិកជប្បនេ បយោជនាភាវា, ធម្មកថាយម្បិ ឧទាយិំ អារព្ភ បដិសិទ្ធត្តា ច។
852. Catutthe panāyaṃ viseso – ‘‘ekenekā’’ti paṭhamaṃ vuttattā dutiyikaṃ vā bhikkhunīnaṃ uyyojeyya, pācittiyaṃ na sambhavatīti ce? Sambhavati. Kasmā? Santiṭṭhanādittayamattāpekkhattā, tassa vacanassāpi vā aññāyapi rahopekkhanassādasambhave sati ubhinnaṃ ekatthasambhavato ca sādhitametaṃ. ‘‘Hatthapāsaṃ vijahitvā santiṭṭhati vā sallapati vā’’ti ettakameva vuttaṃ. Kasmā ‘‘nikaṇṇikaṃ vā jappetī’’ti na vuttaṃ? Hatthapāsātikkame asambhavato. Tassa tatiyassa padassa pacchinnattā sambhavantampi ‘‘dutiyikaṃ vā uyyojetī’’ti na vuttaṃ, tasmā atthato hatthapāsaṃ vijahitvā santiṭṭhati vā sallapati vā dutiyikaṃ vā uyyojeti, āpatti dukkaṭassāti vuttaṃ hoti. Esa nayo yakkhena vātiādīsupi. Tattha ‘‘hatthapāse’’ti vā ‘‘hatthapāsaṃ vijahitvā’’ti vā na vuttaṃ ubhayattha dukkaṭattā. Anāpattivārepi asambhavato ‘‘nikaṇṇikaṃ vā jappetī’’ti na vuttanti ce? Sambhavati sati karaṇīye nikaṇṇikaṃ vā jappetīti sambhavato. Atha kasmā evaṃ na vuttanti ce? Anavajjakathāyaṃ nikaṇṇikajappane payojanābhāvā, dhammakathāyampi udāyiṃ ārabbha paṭisiddhattā ca.
ទុតិយតតិយចតុត្ថសិក្ខាបទវណ្ណនា និដ្ឋិតា។
Dutiyatatiyacatutthasikkhāpadavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ភិក្ខុនីវិភង្គ • Bhikkhunīvibhaṅga
២. ទុតិយសិក្ខាបទំ • 2. Dutiyasikkhāpadaṃ
៣. តតិយសិក្ខាបទំ • 3. Tatiyasikkhāpadaṃ
៤. ចតុត្ថសិក្ខាបទំ • 4. Catutthasikkhāpadaṃ
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / ភិក្ខុនីវិភង្គ-អដ្ឋកថា • Bhikkhunīvibhaṅga-aṭṭhakathā
២. ទុតិយសិក្ខាបទវណ្ណនា • 2. Dutiyasikkhāpadavaṇṇanā
៣. តតិយសិក្ខាបទវណ្ណនា • 3. Tatiyasikkhāpadavaṇṇanā
៤. ចតុត្ថសិក្ខាបទវណ្ណនា • 4. Catutthasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ២. អន្ធការវគ្គវណ្ណនា • 2. Andhakāravaggavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ១. បឋមាទិសិក្ខាបទវណ្ណនា • 1. Paṭhamādisikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi
២. ទុតិយសិក្ខាបទំ • 2. Dutiyasikkhāpadaṃ
៣. តតិយសិក្ខាបទំ • 3. Tatiyasikkhāpadaṃ
