| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༡༠. དུཏིཡཏཛ྄ཛྷཱནསུཏྟཾ
10. Dutiyatajjhānasuttaṃ
༧༤. ‘‘ཚ , བྷིཀྑཝེ, དྷམྨེ ཨཔྤཧཱཡ ཨབྷབྦོ པཋམཾ ཛྷཱནཾ ཨུཔསམྤཛྫ ཝིཧརིཏུཾ། ཀཏམེ ཚ? ཀཱམཝིཏཀྐཾ, བྱཱཔཱདཝིཏཀྐཾ, ཝིཧིཾསཱཝིཏཀྐཾ, ཀཱམསཉྙཾ, བྱཱཔཱདསཉྙཾ, ཝིཧིཾསཱསཉྙཾ – ཨིམེ ཁོ, བྷིཀྑཝེ, ཚ དྷམྨེ ཨཔྤཧཱཡ ཨབྷབྦོ པཋམཾ ཛྷཱནཾ ཨུཔསམྤཛྫ ཝིཧརིཏུཾ།
74. ‘‘Cha , bhikkhave, dhamme appahāya abhabbo paṭhamaṃ jhānaṃ upasampajja viharituṃ. Katame cha? Kāmavitakkaṃ, byāpādavitakkaṃ, vihiṃsāvitakkaṃ, kāmasaññaṃ, byāpādasaññaṃ, vihiṃsāsaññaṃ – ime kho, bhikkhave, cha dhamme appahāya abhabbo paṭhamaṃ jhānaṃ upasampajja viharituṃ.
‘‘ཚ, བྷིཀྑཝེ, དྷམྨེ པཧཱཡ བྷབྦོ པཋམཾ ཛྷཱནཾ ཨུཔསམྤཛྫ ཝིཧརིཏུཾ། ཀཏམེ ཚ? ཀཱམཝིཏཀྐཾ, བྱཱཔཱདཝིཏཀྐཾ, ཝིཧིཾསཱཝིཏཀྐཾ, ཀཱམསཉྙཾ, བྱཱཔཱདསཉྙཾ, ཝིཧིཾསཱསཉྙཾ – ཨིམེ ཁོ, བྷིཀྑཝེ, ཚ དྷམྨེ པཧཱཡ བྷབྦོ པཋམཾ ཛྷཱནཾ ཨུཔསམྤཛྫ ཝིཧརིཏུ’’ནྟི། དསམཾ།
‘‘Cha, bhikkhave, dhamme pahāya bhabbo paṭhamaṃ jhānaṃ upasampajja viharituṃ. Katame cha? Kāmavitakkaṃ, byāpādavitakkaṃ, vihiṃsāvitakkaṃ, kāmasaññaṃ, byāpādasaññaṃ, vihiṃsāsaññaṃ – ime kho, bhikkhave, cha dhamme pahāya bhabbo paṭhamaṃ jhānaṃ upasampajja viharitu’’nti. Dasamaṃ.
ཏསྶུདྡཱནཾ –
Tassuddānaṃ –
ཨནཱགཱམི ཨརཧཾ མིཏྟཱ, སངྒཎིཀཱརཱམདེཝཏཱ།
Anāgāmi arahaṃ mittā, saṅgaṇikārāmadevatā;
སམཱདྷི སཀྑིབྷབྦཾ བལཾ, ཏཛ྄ཛྷཱནཱ ཨཔརེ དུཝེཏི༎
Samādhi sakkhibhabbaṃ balaṃ, tajjhānā apare duveti.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༩-༡༠. ཏཛ྄ཛྷཱནསུཏྟདྭཡཝཎྞནཱ • 9-10. Tajjhānasuttadvayavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༧-༡༠. སཀྑིབྷབྦསུཏྟཱདིཝཎྞནཱ • 7-10. Sakkhibhabbasuttādivaṇṇanā
