| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๑๐. ทุติยตชฺฌานสุตฺตํ
10. Dutiyatajjhānasuttaṃ
๗๔. ‘‘ฉ , ภิกฺขเว, ธเมฺม อปฺปหาย อภโพฺพ ปฐมํ ฌานํ อุปสมฺปชฺช วิหริตุํฯ กตเม ฉ? กามวิตกฺกํ, พฺยาปาทวิตกฺกํ, วิหิํสาวิตกฺกํ, กามสญฺญํ, พฺยาปาทสญฺญํ, วิหิํสาสญฺญํ – อิเม โข, ภิกฺขเว, ฉ ธเมฺม อปฺปหาย อภโพฺพ ปฐมํ ฌานํ อุปสมฺปชฺช วิหริตุํฯ
74. ‘‘Cha , bhikkhave, dhamme appahāya abhabbo paṭhamaṃ jhānaṃ upasampajja viharituṃ. Katame cha? Kāmavitakkaṃ, byāpādavitakkaṃ, vihiṃsāvitakkaṃ, kāmasaññaṃ, byāpādasaññaṃ, vihiṃsāsaññaṃ – ime kho, bhikkhave, cha dhamme appahāya abhabbo paṭhamaṃ jhānaṃ upasampajja viharituṃ.
‘‘ฉ, ภิกฺขเว, ธเมฺม ปหาย ภโพฺพ ปฐมํ ฌานํ อุปสมฺปชฺช วิหริตุํฯ กตเม ฉ? กามวิตกฺกํ, พฺยาปาทวิตกฺกํ, วิหิํสาวิตกฺกํ, กามสญฺญํ, พฺยาปาทสญฺญํ, วิหิํสาสญฺญํ – อิเม โข, ภิกฺขเว, ฉ ธเมฺม ปหาย ภโพฺพ ปฐมํ ฌานํ อุปสมฺปชฺช วิหริตุ’’นฺติฯ ทสมํฯ
‘‘Cha, bhikkhave, dhamme pahāya bhabbo paṭhamaṃ jhānaṃ upasampajja viharituṃ. Katame cha? Kāmavitakkaṃ, byāpādavitakkaṃ, vihiṃsāvitakkaṃ, kāmasaññaṃ, byāpādasaññaṃ, vihiṃsāsaññaṃ – ime kho, bhikkhave, cha dhamme pahāya bhabbo paṭhamaṃ jhānaṃ upasampajja viharitu’’nti. Dasamaṃ.
ตสฺสุทฺทานํ –
Tassuddānaṃ –
อนาคามิ อรหํ มิตฺตา, สงฺคณิการามเทวตา;
Anāgāmi arahaṃ mittā, saṅgaṇikārāmadevatā;
สมาธิ สกฺขิภพฺพํ พลํ, ตชฺฌานา อปเร ทุเวติฯ
Samādhi sakkhibhabbaṃ balaṃ, tajjhānā apare duveti.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๙-๑๐. ตชฺฌานสุตฺตทฺวยวณฺณนา • 9-10. Tajjhānasuttadvayavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๗-๑๐. สกฺขิภพฺพสุตฺตาทิวณฺณนา • 7-10. Sakkhibhabbasuttādivaṇṇanā
