| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૧૦. દુતિયતજ્ઝાનસુત્તં
10. Dutiyatajjhānasuttaṃ
૭૪. ‘‘છ , ભિક્ખવે, ધમ્મે અપ્પહાય અભબ્બો પઠમં ઝાનં ઉપસમ્પજ્જ વિહરિતું. કતમે છ? કામવિતક્કં, બ્યાપાદવિતક્કં, વિહિંસાવિતક્કં, કામસઞ્ઞં, બ્યાપાદસઞ્ઞં, વિહિંસાસઞ્ઞં – ઇમે ખો, ભિક્ખવે, છ ધમ્મે અપ્પહાય અભબ્બો પઠમં ઝાનં ઉપસમ્પજ્જ વિહરિતું.
74. ‘‘Cha , bhikkhave, dhamme appahāya abhabbo paṭhamaṃ jhānaṃ upasampajja viharituṃ. Katame cha? Kāmavitakkaṃ, byāpādavitakkaṃ, vihiṃsāvitakkaṃ, kāmasaññaṃ, byāpādasaññaṃ, vihiṃsāsaññaṃ – ime kho, bhikkhave, cha dhamme appahāya abhabbo paṭhamaṃ jhānaṃ upasampajja viharituṃ.
‘‘છ, ભિક્ખવે, ધમ્મે પહાય ભબ્બો પઠમં ઝાનં ઉપસમ્પજ્જ વિહરિતું. કતમે છ? કામવિતક્કં, બ્યાપાદવિતક્કં, વિહિંસાવિતક્કં, કામસઞ્ઞં, બ્યાપાદસઞ્ઞં, વિહિંસાસઞ્ઞં – ઇમે ખો, ભિક્ખવે, છ ધમ્મે પહાય ભબ્બો પઠમં ઝાનં ઉપસમ્પજ્જ વિહરિતુ’’ન્તિ. દસમં.
‘‘Cha, bhikkhave, dhamme pahāya bhabbo paṭhamaṃ jhānaṃ upasampajja viharituṃ. Katame cha? Kāmavitakkaṃ, byāpādavitakkaṃ, vihiṃsāvitakkaṃ, kāmasaññaṃ, byāpādasaññaṃ, vihiṃsāsaññaṃ – ime kho, bhikkhave, cha dhamme pahāya bhabbo paṭhamaṃ jhānaṃ upasampajja viharitu’’nti. Dasamaṃ.
તસ્સુદ્દાનં –
Tassuddānaṃ –
અનાગામિ અરહં મિત્તા, સઙ્ગણિકારામદેવતા;
Anāgāmi arahaṃ mittā, saṅgaṇikārāmadevatā;
સમાધિ સક્ખિભબ્બં બલં, તજ્ઝાના અપરે દુવેતિ.
Samādhi sakkhibhabbaṃ balaṃ, tajjhānā apare duveti.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૯-૧૦. તજ્ઝાનસુત્તદ્વયવણ્ણના • 9-10. Tajjhānasuttadvayavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૭-૧૦. સક્ખિભબ્બસુત્તાદિવણ્ણના • 7-10. Sakkhibhabbasuttādivaṇṇanā
