| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
১০. দুতিযতজ্ঝানসুত্তং
10. Dutiyatajjhānasuttaṃ
৭৪. ‘‘ছ , ভিক্খৰে, ধম্মে অপ্পহায অভব্বো পঠমং ঝানং উপসম্পজ্জ ৰিহরিতুং। কতমে ছ? কামৰিতক্কং, ব্যাপাদৰিতক্কং, ৰিহিংসাৰিতক্কং, কামসঞ্ঞং, ব্যাপাদসঞ্ঞং, ৰিহিংসাসঞ্ঞং – ইমে খো, ভিক্খৰে, ছ ধম্মে অপ্পহায অভব্বো পঠমং ঝানং উপসম্পজ্জ ৰিহরিতুং।
74. ‘‘Cha , bhikkhave, dhamme appahāya abhabbo paṭhamaṃ jhānaṃ upasampajja viharituṃ. Katame cha? Kāmavitakkaṃ, byāpādavitakkaṃ, vihiṃsāvitakkaṃ, kāmasaññaṃ, byāpādasaññaṃ, vihiṃsāsaññaṃ – ime kho, bhikkhave, cha dhamme appahāya abhabbo paṭhamaṃ jhānaṃ upasampajja viharituṃ.
‘‘ছ, ভিক্খৰে, ধম্মে পহায ভব্বো পঠমং ঝানং উপসম্পজ্জ ৰিহরিতুং। কতমে ছ? কামৰিতক্কং, ব্যাপাদৰিতক্কং, ৰিহিংসাৰিতক্কং, কামসঞ্ঞং, ব্যাপাদসঞ্ঞং, ৰিহিংসাসঞ্ঞং – ইমে খো, ভিক্খৰে, ছ ধম্মে পহায ভব্বো পঠমং ঝানং উপসম্পজ্জ ৰিহরিতু’’ন্তি। দসমং।
‘‘Cha, bhikkhave, dhamme pahāya bhabbo paṭhamaṃ jhānaṃ upasampajja viharituṃ. Katame cha? Kāmavitakkaṃ, byāpādavitakkaṃ, vihiṃsāvitakkaṃ, kāmasaññaṃ, byāpādasaññaṃ, vihiṃsāsaññaṃ – ime kho, bhikkhave, cha dhamme pahāya bhabbo paṭhamaṃ jhānaṃ upasampajja viharitu’’nti. Dasamaṃ.
তস্সুদ্দানং –
Tassuddānaṃ –
অনাগামি অরহং মিত্তা, সঙ্গণিকারামদেৰতা।
Anāgāmi arahaṃ mittā, saṅgaṇikārāmadevatā;
সমাধি সক্খিভব্বং বলং, তজ্ঝানা অপরে দুৰেতি॥
Samādhi sakkhibhabbaṃ balaṃ, tajjhānā apare duveti.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৯-১০. তজ্ঝানসুত্তদ্ৰযৰণ্ণনা • 9-10. Tajjhānasuttadvayavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৭-১০. সক্খিভব্বসুত্তাদিৰণ্ণনা • 7-10. Sakkhibhabbasuttādivaṇṇanā
