| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༣. དུཏིཡསཱུརིཡཱུཔམསུཏྟཾ
3. Dutiyasūriyūpamasuttaṃ
༡༩༤. ‘‘སཱུརིཡསྶ , བྷིཀྑཝེ, ཨུདཡཏོ ཨེཏཾ པུབྦངྒམཾ ཨེཏཾ པུབྦནིམིཏྟཾ, ཡདིདཾ – ཨརུཎུགྒཾ; ཨེཝམེཝ ཁོ, བྷིཀྑཝེ, བྷིཀྑུནོ སཏྟནྣཾ བོཛ྄ཛྷངྒཱནཾ ཨུཔྤཱདཱཡ ཨེཏཾ པུབྦངྒམཾ ཨེཏཾ པུབྦནིམིཏྟཾ, ཡདིདཾ – ཡོནིསོམནསིཀཱརོ། ཡོནིསོམནསིཀཱརསམྤནྣསྶེཏཾ, བྷིཀྑཝེ, བྷིཀྑུནོ པཱཊིཀངྑཾ – སཏྟ བོཛ྄ཛྷངྒེ བྷཱཝེསྶཏི, སཏྟ བོཛ྄ཛྷངྒེ བཧུལཱིཀརིསྶཏི།
194. ‘‘Sūriyassa , bhikkhave, udayato etaṃ pubbaṅgamaṃ etaṃ pubbanimittaṃ, yadidaṃ – aruṇuggaṃ; evameva kho, bhikkhave, bhikkhuno sattannaṃ bojjhaṅgānaṃ uppādāya etaṃ pubbaṅgamaṃ etaṃ pubbanimittaṃ, yadidaṃ – yonisomanasikāro. Yonisomanasikārasampannassetaṃ, bhikkhave, bhikkhuno pāṭikaṅkhaṃ – satta bojjhaṅge bhāvessati, satta bojjhaṅge bahulīkarissati.
‘‘ཀཐཉྩ, བྷིཀྑཝེ, བྷིཀྑུ ཡོནིསོམནསིཀཱརསམྤནྣོ སཏྟ བོཛ྄ཛྷངྒེ བྷཱཝེཏི, སཏྟ བོཛ྄ཛྷངྒེ བཧུལཱིཀརོཏི? ཨིདྷ, བྷིཀྑཝེ, བྷིཀྑུ སཏིསམྦོཛ྄ཛྷངྒཾ བྷཱཝེཏི ཝིཝེཀནིསྶིཏཾ…པེ॰… ཨུཔེཀྑཱསམྦོཛ྄ཛྷངྒཾ བྷཱཝེཏི ཝིཝེཀནིསྶིཏཾ ཝིརཱགནིསྶིཏཾ ནིརོདྷནིསྶིཏཾ ཝོསྶགྒཔརིཎཱམིཾ། ཨེཝཾ ཁོ, བྷིཀྑཝེ, བྷིཀྑུ ཡོནིསོམནསིཀཱརསམྤནྣོ སཏྟ བོཛ྄ཛྷངྒེ བྷཱཝེཏི, སཏྟ བོཛ྄ཛྷངྒེ བཧུལཱིཀརོཏཱི’’ཏི། ཏཏིཡཾ།
‘‘Kathañca, bhikkhave, bhikkhu yonisomanasikārasampanno satta bojjhaṅge bhāveti, satta bojjhaṅge bahulīkaroti? Idha, bhikkhave, bhikkhu satisambojjhaṅgaṃ bhāveti vivekanissitaṃ…pe… upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Evaṃ kho, bhikkhave, bhikkhu yonisomanasikārasampanno satta bojjhaṅge bhāveti, satta bojjhaṅge bahulīkarotī’’ti. Tatiyaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡-༣. པཱཎསུཏྟཱདིཝཎྞནཱ • 1-3. Pāṇasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡-༣. པཱཎསུཏྟཱདིཝཎྞནཱ • 1-3. Pāṇasuttādivaṇṇanā
