| Library / Tipiṭaka / តិបិដក • Tipiṭaka / វិមានវត្ថុ-អដ្ឋកថា • Vimānavatthu-aṭṭhakathā |
១៤. ទុតិយសុណិសាវិមានវណ្ណនា
14. Dutiyasuṇisāvimānavaṇṇanā
អភិក្កន្តេន វណ្ណេនាតិ ទុតិយសុណិសាវិមានំ។ ឯត្ថ បន អបុព្ពំ នត្ថិ, អដ្ឋុប្បត្តិយំ កុម្មាសទានមេវ វិសេសោ។ តេន វុត្តំ –
Abhikkantenavaṇṇenāti dutiyasuṇisāvimānaṃ. Ettha pana apubbaṃ natthi, aṭṭhuppattiyaṃ kummāsadānameva viseso. Tena vuttaṃ –
១១៦.
116.
‘‘អភិក្កន្តេន វណ្ណេន, យា ត្វំ តិដ្ឋសិ ទេវតេ;
‘‘Abhikkantena vaṇṇena, yā tvaṃ tiṭṭhasi devate;
ឱភាសេន្តី ទិសា សព្ពា, ឱសធី វិយ តារកា។
Obhāsentī disā sabbā, osadhī viya tārakā.
១១៧.
117.
‘‘កេន តេតាទិសោ វណ្ណោ, កេន តេ ឥធ មិជ្ឈតិ;
‘‘Kena tetādiso vaṇṇo, kena te idha mijjhati;
ឧប្បជ្ជន្តិ ច តេ ភោគា, យេ កេចិ មនសោ បិយា។
Uppajjanti ca te bhogā, ye keci manaso piyā.
១១៨.
118.
‘‘បុច្ឆាមិ តំ ទេវិ មហានុភាវេ, មនុស្សភូតា កិមកាសិ បុញ្ញំ;
‘‘Pucchāmi taṃ devi mahānubhāve, manussabhūtā kimakāsi puññaṃ;
កេនាសិ ឯវំ ជលិតានុភាវា, វណ្ណោ ច តេ សព្ពទិសា បភាសតី’’តិ។
Kenāsi evaṃ jalitānubhāvā, vaṇṇo ca te sabbadisā pabhāsatī’’ti.
១១៩.
119.
‘‘សា ទេវតា អត្តមនា, មោគ្គល្លានេន បុច្ឆិតា;
‘‘Sā devatā attamanā, moggallānena pucchitā;
បញ្ហំ បុដ្ឋា វិយាកាសិ, យស្ស កម្មស្សិទំ ផលំ’’។
Pañhaṃ puṭṭhā viyākāsi, yassa kammassidaṃ phalaṃ’’.
១២០.
120.
‘‘អហំ មនុស្សេសុ មនុស្សភូតា, សុណិសា អហោសិំ សសុរស្ស គេហេ។
‘‘Ahaṃ manussesu manussabhūtā, suṇisā ahosiṃ sasurassa gehe.
១២១.
121.
‘‘អទ្ទសំ វិរជំ ភិក្ខុំ, វិប្បសន្នមនាវិលំ;
‘‘Addasaṃ virajaṃ bhikkhuṃ, vippasannamanāvilaṃ;
តស្ស អទាសហំ ភាគំ, បសន្នា សេហិ បាណិភិ;
Tassa adāsahaṃ bhāgaṃ, pasannā sehi pāṇibhi;
កុម្មាសបិណ្ឌំ ទត្វាន, មោទាមិ នន្ទនេ វនេ។
Kummāsapiṇḍaṃ datvāna, modāmi nandane vane.
១២២.
122.
‘‘តេន មេតាទិសោ វណ្ណោ, តេន មេ ឥធ មិជ្ឈតិ;
‘‘Tena metādiso vaṇṇo, tena me idha mijjhati;
ឧប្បជ្ជន្តិ ច មេ ភោគា, យេ កេចិ មនសោ បិយា។
Uppajjanti ca me bhogā, ye keci manaso piyā.
១២៣.
123.
‘‘អក្ខាមិ តេ ភិក្ខុ មហានុភាវ, មនុស្សភូតា យមកាសិ បុញ្ញំ;
‘‘Akkhāmi te bhikkhu mahānubhāva, manussabhūtā yamakāsi puññaṃ;
តេនម្ហិ ឯវំ ជលិតានុភាវា, វណ្ណោ ច មេ សព្ពទិសា បភាសតី’’តិ។
Tenamhi evaṃ jalitānubhāvā, vaṇṇo ca me sabbadisā pabhāsatī’’ti.
១២១. តត្ថ ភាគន្តិ កុម្មាសកោដ្ឋាសំ។ តេនាហ ‘‘កុម្មាសបិណ្ឌំ ទត្វានា’’តិ។ កុម្មាសោតិ ច យវកុម្មាសោ វុត្តោ។ សេសំ វុត្តនយមេវ។
121. Tattha bhāganti kummāsakoṭṭhāsaṃ. Tenāha ‘‘kummāsapiṇḍaṃ datvānā’’ti. Kummāsoti ca yavakummāso vutto. Sesaṃ vuttanayameva.
ទុតិយសុណិសាវិមានវណ្ណនា និដ្ឋិតា។
Dutiyasuṇisāvimānavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / ខុទ្ទកនិកាយ • Khuddakanikāya / វិមានវត្ថុបាឡិ • Vimānavatthupāḷi / ១៤. ទុតិយសុណិសាវិមានវត្ថុ • 14. Dutiyasuṇisāvimānavatthu
