| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
១២. ទុតិយសិង្គាលសុត្តំ
12. Dutiyasiṅgālasuttaṃ
២៣៤. សាវត្ថិយំ វិហរតិ…បេ.… ‘‘អស្សុត្ថ នោ តុម្ហេ, ភិក្ខវេ, រត្តិយា បច្ចូសសមយំ ជរសិង្គាលស្ស វស្សមានស្សា’’តិ? ‘‘ឯវំ, ភន្តេ’’។ ‘‘សិយា ខោ, ភិក្ខវេ, តស្មិំ ជរសិង្គាលេ យា កាចិ កតញ្ញុតា កតវេទិតា, ន ត្វេវ ឥធេកច្ចេ សក្យបុត្តិយបដិញ្ញេ សិយា យា កាចិ កតញ្ញុតា កតវេទិតា។ តស្មាតិហ, ភិក្ខវេ, ឯវំ សិក្ខិតព្ពំ – ‘កតញ្ញុនោ ភវិស្សាម កតវេទិនោ; ន ច នោ 1 អម្ហេសុ អប្បកម្បិ កតំ នស្សិស្សតី’តិ 2។ ឯវញ្ហិ វោ, ភិក្ខវេ, សិក្ខិតព្ព’’ន្តិ។ ទ្វាទសមំ។
234. Sāvatthiyaṃ viharati…pe… ‘‘assuttha no tumhe, bhikkhave, rattiyā paccūsasamayaṃ jarasiṅgālassa vassamānassā’’ti? ‘‘Evaṃ, bhante’’. ‘‘Siyā kho, bhikkhave, tasmiṃ jarasiṅgāle yā kāci kataññutā kataveditā, na tveva idhekacce sakyaputtiyapaṭiññe siyā yā kāci kataññutā kataveditā. Tasmātiha, bhikkhave, evaṃ sikkhitabbaṃ – ‘kataññuno bhavissāma katavedino; na ca no 3 amhesu appakampi kataṃ nassissatī’ti 4. Evañhi vo, bhikkhave, sikkhitabba’’nti. Dvādasamaṃ.
ឱបម្មសំយុត្តំ សមត្តំ។
Opammasaṃyuttaṃ samattaṃ.
តស្សុទ្ទានំ –
Tassuddānaṃ –
កូដំ នខសិខំ កុលំ, ឱក្ខា សត្តិ ធនុគ្គហោ;
Kūṭaṃ nakhasikhaṃ kulaṃ, okkhā satti dhanuggaho;
អាណិ កលិង្គរោ នាគោ, ពិឡារោ ទ្វេ សិង្គាលកាតិ។
Āṇi kaliṅgaro nāgo, biḷāro dve siṅgālakāti.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ១២. ទុតិយសិង្គាលសុត្តវណ្ណនា • 12. Dutiyasiṅgālasuttavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ១២. ទុតិយសិង្គាលសុត្តវណ្ណនា • 12. Dutiyasiṅgālasuttavaṇṇanā
