| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૧૨. દુતિયસિઙ્ગાલસુત્તં
12. Dutiyasiṅgālasuttaṃ
૨૩૪. સાવત્થિયં વિહરતિ…પે॰… ‘‘અસ્સુત્થ નો તુમ્હે, ભિક્ખવે, રત્તિયા પચ્ચૂસસમયં જરસિઙ્ગાલસ્સ વસ્સમાનસ્સા’’તિ? ‘‘એવં, ભન્તે’’. ‘‘સિયા ખો, ભિક્ખવે, તસ્મિં જરસિઙ્ગાલે યા કાચિ કતઞ્ઞુતા કતવેદિતા, ન ત્વેવ ઇધેકચ્ચે સક્યપુત્તિયપટિઞ્ઞે સિયા યા કાચિ કતઞ્ઞુતા કતવેદિતા. તસ્માતિહ, ભિક્ખવે, એવં સિક્ખિતબ્બં – ‘કતઞ્ઞુનો ભવિસ્સામ કતવેદિનો; ન ચ નો 1 અમ્હેસુ અપ્પકમ્પિ કતં નસ્સિસ્સતી’તિ 2. એવઞ્હિ વો, ભિક્ખવે, સિક્ખિતબ્બ’’ન્તિ. દ્વાદસમં.
234. Sāvatthiyaṃ viharati…pe… ‘‘assuttha no tumhe, bhikkhave, rattiyā paccūsasamayaṃ jarasiṅgālassa vassamānassā’’ti? ‘‘Evaṃ, bhante’’. ‘‘Siyā kho, bhikkhave, tasmiṃ jarasiṅgāle yā kāci kataññutā kataveditā, na tveva idhekacce sakyaputtiyapaṭiññe siyā yā kāci kataññutā kataveditā. Tasmātiha, bhikkhave, evaṃ sikkhitabbaṃ – ‘kataññuno bhavissāma katavedino; na ca no 3 amhesu appakampi kataṃ nassissatī’ti 4. Evañhi vo, bhikkhave, sikkhitabba’’nti. Dvādasamaṃ.
ઓપમ્મસંયુત્તં સમત્તં.
Opammasaṃyuttaṃ samattaṃ.
તસ્સુદ્દાનં –
Tassuddānaṃ –
કૂટં નખસિખં કુલં, ઓક્ખા સત્તિ ધનુગ્ગહો;
Kūṭaṃ nakhasikhaṃ kulaṃ, okkhā satti dhanuggaho;
આણિ કલિઙ્ગરો નાગો, બિળારો દ્વે સિઙ્ગાલકાતિ.
Āṇi kaliṅgaro nāgo, biḷāro dve siṅgālakāti.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૧૨. દુતિયસિઙ્ગાલસુત્તવણ્ણના • 12. Dutiyasiṅgālasuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૧૨. દુતિયસિઙ્ગાલસુત્તવણ્ણના • 12. Dutiyasiṅgālasuttavaṇṇanā
