| Library / Tipiṭaka / တိပိဋက • Tipiṭaka / ဘိက္ခုနီဝိဘင္ဂ-အဋ္ဌကထာ • Bhikkhunīvibhaṅga-aṭṭhakathā |
၂. ဒုတိယသိက္ခာပဒဝဏ္ဏနာ
2. Dutiyasikkhāpadavaṇṇanā
၉၃၇. ဒုတိယေ – ဧကံ အတ္ထရဏဉ္စေဝ ပာဝုရဏဉ္စ ဧတာသန္တိ ဧကတ္ထရဏပာဝုရဏာ; သံဟာရိမာနံ ပာဝာရတ္ထရဏကဋသာရကာဒီနံ ဧကံ အန္တံ အတ္ထရိတ္ဝာ ဧကံ ပာရုပိတ္ဝာ တုဝဋ္ဋေန္တီနမေတံ အဓိဝစနံ။
937. Dutiye – ekaṃ attharaṇañceva pāvuraṇañca etāsanti ekattharaṇapāvuraṇā; saṃhārimānaṃ pāvārattharaṇakaṭasārakādīnaṃ ekaṃ antaṃ attharitvā ekaṃ pārupitvā tuvaṭṭentīnametaṃ adhivacanaṃ.
၉၄၀. ဝဝတ္ထာနံ ဒသ္သေတ္ဝာတိ မဇ္ဈေ ကာသာဝံ ဝာ ကတ္တရယဋ္ဌိံ ဝာ အန္တမသော ကာယဗန္ဓနမ္ပိ ဌပေတ္ဝာ နိပဇ္ဇန္တီနံ အနာပတ္တီတိ အတ္ထော။ သေသံ ဥတ္တာနမေဝ။ ဧဠကလောမသမုဋ္ဌာနံ – ကိရိယံ, နောသညာဝိမောက္ခံ, အစိတ္တကံ, ပဏ္ဏတ္တိဝဇ္ဇံ, ကာယကမ္မံ, တိစိတ္တံ, တိဝေဒနန္တိ။
940.Vavatthānaṃ dassetvāti majjhe kāsāvaṃ vā kattarayaṭṭhiṃ vā antamaso kāyabandhanampi ṭhapetvā nipajjantīnaṃ anāpattīti attho. Sesaṃ uttānameva. Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, ticittaṃ, tivedananti.
ဒုတိယသိက္ခာပဒံ။
Dutiyasikkhāpadaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ဘိက္ခုနီဝိဘင္ဂ • Bhikkhunīvibhaṅga / ၂. ဒုတိယသိက္ခာပဒံ • 2. Dutiyasikkhāpadaṃ
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၂. ဒုတိယသိက္ခာပဒဝဏ္ဏနာ • 2. Dutiyasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၂. ဒုတိယသိက္ခာပဒံ • 2. Dutiyasikkhāpadaṃ
