| Library / Tipiṭaka / തിപിടക • Tipiṭaka / പാചിത്യാദിയോജനാപാളി • Pācityādiyojanāpāḷi |
൨. ദുതിയസിക്ഖാപദം
2. Dutiyasikkhāpadaṃ
൭൯൯. ദുതിയേ സംദസ്സനം ബാധതി നിസേധേതി അസ്മിം ഠാനേതി സമ്ബാധന്തി വചനത്ഥേന പടിച്ഛന്നോകാസോ സമ്ബാധോ നാമാതി ദസ്സേന്തോ ആഹ ‘‘പടിച്ഛന്നോകാസേ’’തി. ഉഭോ ഉപകച്ഛകാതി ദ്വേ ബാഹുമൂലാ. തേ ഹി ഉപരി യംകിഞ്ചി വത്ഥും കചതി ബന്ധതി ഏത്ഥാതി ഉപകച്ഛകാതി വുച്ചന്തി. മുത്തകരണന്തി പസ്സാവമഗ്ഗോ. സോ ഹി മുത്തം കരോതി അനേനാതി മുത്തകരണന്തി വുച്ചതി. ലോമോ കത്തീയതി ഛിന്ദീയതി ഇമായാതി കത്തരി, തായ വാ, സുട്ഠു ദള്ഹം ലോമം ഡംസതീതി സണ്ഡാസോ, സോയേവ സണ്ഡാസകോ, തേന വാ, ഖുരതി ലോമം ഛിന്ദതീതി ഖുരോ, തേന വാ സംഹരാപേന്തിയാതി സമ്ബന്ധോ. സംഹരാപേന്തിയാതി അപനേന്തിയാതി. ദുതിയം.
799. Dutiye saṃdassanaṃ bādhati nisedheti asmiṃ ṭhāneti sambādhanti vacanatthena paṭicchannokāso sambādho nāmāti dassento āha ‘‘paṭicchannokāse’’ti. Ubho upakacchakāti dve bāhumūlā. Te hi upari yaṃkiñci vatthuṃ kacati bandhati etthāti upakacchakāti vuccanti. Muttakaraṇanti passāvamaggo. So hi muttaṃ karoti anenāti muttakaraṇanti vuccati. Lomo kattīyati chindīyati imāyāti kattari, tāya vā, suṭṭhu daḷhaṃ lomaṃ ḍaṃsatīti saṇḍāso, soyeva saṇḍāsako, tena vā, khurati lomaṃ chindatīti khuro, tena vā saṃharāpentiyāti sambandho. Saṃharāpentiyāti apanentiyāti. Dutiyaṃ.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / ഭിക്ഖുനീവിഭങ്ഗ • Bhikkhunīvibhaṅga / ൨. ദുതിയസിക്ഖാപദം • 2. Dutiyasikkhāpadaṃ
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / ഭിക്ഖുനീവിഭങ്ഗ-അട്ഠകഥാ • Bhikkhunīvibhaṅga-aṭṭhakathā / ൨. ദുതിയസിക്ഖാപദവണ്ണനാ • 2. Dutiyasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / ൧. ലസുണവഗ്ഗവണ്ണനാ • 1. Lasuṇavaggavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / ൧. പഠമലസുണാദിസിക്ഖാപദവണ്ണനാ • 1. Paṭhamalasuṇādisikkhāpadavaṇṇanā
