| Library / Tipiṭaka / ཏིཔིཊཀ • Tipiṭaka / ཝཛིརབུདྡྷི-ཊཱིཀཱ • Vajirabuddhi-ṭīkā |
༥. དུཏིཡསེནཱསནསིཀྑཱཔདཝཎྞནཱ
5. Dutiyasenāsanasikkhāpadavaṇṇanā
༡༡༦-༧. ཨེཏྟཀམེཝ ཝུཏྟམཊྛཀཐཱསུ, ཏཐཱཔི པདཊྛཱདཡོཔི ལབྦྷནྟི ཨེཝ། ཨནུགཎྛིཔདེ ‘‘ཨཉྙཾ ཨཏྠརཎཱདི ཨཀཔྤིཡཏྟཱ ན ཝུཏྟ’’ནྟི ཝུཏྟཾ། ‘‘མཉྩཾ ཝཱ པཱིཋཾ ཝཱ ཝིཧཱརེ ཝཱ ཝིཧཱརཱུཔཙཱརེ ཝཱ’ཏི ཨིམིནཱཔི སཾསནྡནཏྠཾ ‘ཀིཉྩཱཔི ཝུཏྟོ, ཨཐ ཁོ’ཏིཨཱདི ཨཱརདྡྷ’’ནྟི ཙ ཝུཏྟཾ། ཨུཔཙཱརམཏྟཉྩེཏཾ ‘‘རུཀྑམཱུལེ’’ཏི, ཏཏྠ ཝཏྟབྦཾ ནཏྠི།
116-7.Ettakameva vuttamaṭṭhakathāsu, tathāpi padaṭṭhādayopi labbhanti eva. Anugaṇṭhipade ‘‘aññaṃ attharaṇādi akappiyattā na vutta’’nti vuttaṃ. ‘‘Mañcaṃ vā pīṭhaṃ vā vihāre vā vihārūpacāre vā’ti imināpi saṃsandanatthaṃ ‘kiñcāpi vutto, atha kho’tiādi āraddha’’nti ca vuttaṃ. Upacāramattañcetaṃ ‘‘rukkhamūle’’ti, tattha vattabbaṃ natthi.
༡༡༨. ཨནཱཔུཙྪིཏྭཱཔི གནྟུཾ ཝཊྚཏཱིཏི ཨསཏིཡཱ གཙྪཏོཔི ཨནཱཔཏྟི, ཨཱཔུཙྪནཾ པན ཝཏྟཾ སཉྩིཙྩ ཨནཱཔུཙྪཏོ ཝཏྟབྷེདདུཀྐཊཏྟཱ། པུགྒལིཀསེནཱསནེ སངྒྷིཀསེཡྻཾ, སངྒྷིཀསེནཱསནེ ཝཱ པུགྒལིཀསེཡྻཾ ཨཏྠརིཏྭཱ གཙྪནྟསྶ དུཀྐཊཾ ཡུཏྟཾ ཝིཡ། ཀསྨཱ? ‘‘སེཡྻཱམཏྟམེཝ ནསྶེཡྻཱ’’ཏི ཝུཏྟཏྟཱ། ཨིདྷ པན ‘‘པལིབུདྡྷཾ པལིབུདྡྷོ’’ཏི དུཝིདྷམྤི ཨཏྠི།
118.Anāpucchitvāpi gantuṃ vaṭṭatīti asatiyā gacchatopi anāpatti, āpucchanaṃ pana vattaṃ sañcicca anāpucchato vattabhedadukkaṭattā. Puggalikasenāsane saṅghikaseyyaṃ, saṅghikasenāsane vā puggalikaseyyaṃ attharitvā gacchantassa dukkaṭaṃ yuttaṃ viya. Kasmā? ‘‘Seyyāmattameva nasseyyā’’ti vuttattā. Idha pana ‘‘palibuddhaṃ palibuddho’’ti duvidhampi atthi.
དུཏིཡསེནཱསནསིཀྑཱཔདཝཎྞནཱ ནིཊྛིཏཱ།
Dutiyasenāsanasikkhāpadavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༢. བྷཱུཏགཱམཝགྒོ • 2. Bhūtagāmavaggo
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā / ༥. དུཏིཡསེནཱསནསིཀྑཱཔདཝཎྞནཱ • 5. Dutiyasenāsanasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༥. དུཏིཡསེནཱསནསིཀྑཱཔདཝཎྞནཱ • 5. Dutiyasenāsanasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༥. དུཏིཡསེནཱསནསིཀྑཱཔདཝཎྞནཱ • 5. Dutiyasenāsanasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༥. དུཏིཡསེནཱསནསིཀྑཱཔདཾ • 5. Dutiyasenāsanasikkhāpadaṃ
