| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੪-੬. ਦੁਤਿਯਸਤ੍ਤਕਸੁਤ੍ਤਾਦਿવਣ੍ਣਨਾ
4-6. Dutiyasattakasuttādivaṇṇanā
੨੪-੨੬. ਚਤੁਤ੍ਥੇ ਕਰੋਨ੍ਤੋਯੇવਾਤਿ ਯਥਾવੁਤ੍ਤਂ ਤਿਰਚ੍ਛਾਨਕਥਂ ਕਥੇਨ੍ਤੋਯੇવ। ਅਤਿਰਚ੍ਛਾਨਕਥਾਭਾવੇਪਿ ਤਸ੍ਸ ਤਤ੍ਥ ਤਪ੍ਪਰਭਾવਦਸ੍ਸਨਤ੍ਥਂ ਅવਧਾਰਣવਚਨਂ। ਪਰਿਯਨ੍ਤਕਾਰੀਤਿ ਸਪਰਿਯਨ੍ਤਂ ਕਤ੍વਾ વਤ੍ਤਾ। ‘‘ਪਰਿਯਨ੍ਤવਤਿਂ વਾਚਂ ਭਾਸਿਤਾ’’ਤਿ (ਦੀ॰ ਨਿ॰ ੧.੯, ੧੯੪) ਹਿ વੁਤ੍ਤਂ। ਅਪ੍ਪਭਸ੍ਸੋવਾਤਿ ਪਰਿਮਿਤਕਥੋਯੇવ ਏਕਨ੍ਤੇਨ ਕਥੇਤਬ੍ਬਸ੍ਸੇવ ਕਥਨਤੋ। ਸਮਾਪਤ੍ਤਿਸਮਾਪਜ੍ਜਨਂ ਅਰਿਯੋ ਤੁਣ੍ਹੀਭਾવੋ। ਨਿਦ੍ਦਾਯਤਿਯੇવਾਤਿ ਨਿਦ੍ਦੋਕ੍ਕਮਨੇ ਅਨਾਦੀਨવਦਸ੍ਸੀ ਨਿਦ੍ਦਾਯਤਿਯੇવ, ਇਰਿਯਾਪਥਪਰਿવਤ੍ਤਨਾਦਿਨਾ ਨ ਨਂ વਿਨੋਦੇਤਿ। ਏવਂ ਸਂਸਟ੍ਠੋવਾਤਿ વੁਤ੍ਤਨਯੇਨ ਗਣਸਙ੍ਗਣਿਕਾਯ ਸਂਸਟ੍ਠੋ ਏવ વਿਹਰਤਿ। ਦੁਸ੍ਸੀਲਾ ਪਾਪਿਚ੍ਛਾ ਨਾਮਾਤਿ ਸਯਂ ਨਿਸ੍ਸੀਲਾ ਅਸਨ੍ਤਗੁਣਸਮ੍ਭਾવਨਿਚ੍ਛਾਯ ਸਮਨ੍ਨਾਗਤਤ੍ਤਾ ਪਾਪਾ ਲਾਮਕਾ ਇਚ੍ਛਾ ਏਤੇਸਨ੍ਤਿ ਪਾਪਿਚ੍ਛਾ। ਪਾਪਪੁਗ੍ਗਲੇਹਿ ਮਿਤ੍ਤਿਕਰਣਤੋ ਪਾਪਮਿਤ੍ਤਾ। ਤੇਹਿ ਸਦਾ ਸਹਪવਤ੍ਤਨੇਨ ਪਾਪਸਹਾਯਾ। ਤਤ੍ਥ ਨਿਨ੍ਨਤਾਦਿਨਾ ਤਦਧਿਮੁਤ੍ਤਤਾਯ ਪਾਪਸਮ੍ਪવਙ੍ਕਾ। ਪਞ੍ਚਮਾਦੀਨਿ ਉਤ੍ਤਾਨਤ੍ਥਾਨਿਯੇવ।
24-26. Catutthe karontoyevāti yathāvuttaṃ tiracchānakathaṃ kathentoyeva. Atiracchānakathābhāvepi tassa tattha tapparabhāvadassanatthaṃ avadhāraṇavacanaṃ. Pariyantakārīti sapariyantaṃ katvā vattā. ‘‘Pariyantavatiṃ vācaṃ bhāsitā’’ti (dī. ni. 1.9, 194) hi vuttaṃ. Appabhassovāti parimitakathoyeva ekantena kathetabbasseva kathanato. Samāpattisamāpajjanaṃ ariyo tuṇhībhāvo. Niddāyatiyevāti niddokkamane anādīnavadassī niddāyatiyeva, iriyāpathaparivattanādinā na naṃ vinodeti. Evaṃ saṃsaṭṭhovāti vuttanayena gaṇasaṅgaṇikāya saṃsaṭṭho eva viharati. Dussīlā pāpicchā nāmāti sayaṃ nissīlā asantaguṇasambhāvanicchāya samannāgatattā pāpā lāmakā icchā etesanti pāpicchā. Pāpapuggalehi mittikaraṇato pāpamittā. Tehi sadā sahapavattanena pāpasahāyā. Tattha ninnatādinā tadadhimuttatāya pāpasampavaṅkā. Pañcamādīni uttānatthāniyeva.
ਦੁਤਿਯਸਤ੍ਤਕਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Dutiyasattakasuttādivaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya
੪. ਦੁਤਿਯਸਤ੍ਤਕਸੁਤ੍ਤਂ • 4. Dutiyasattakasuttaṃ
੫. ਤਤਿਯਸਤ੍ਤਕਸੁਤ੍ਤਂ • 5. Tatiyasattakasuttaṃ
੬. ਬੋਜ੍ਝਙ੍ਗਸੁਤ੍ਤਂ • 6. Bojjhaṅgasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੪. ਦੁਤਿਯਸਤ੍ਤਕਸੁਤ੍ਤવਣ੍ਣਨਾ • 4. Dutiyasattakasuttavaṇṇanā
