| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
២. ទុតិយសារណីយសុត្តវណ្ណនា
2. Dutiyasāraṇīyasuttavaṇṇanā
១២. ទុតិយេ សព្រហ្មចារីនន្តិ សហធម្មិកានំ។ បិយំ បិយាយិតព្ពកំ ករោន្តីតិ បិយករណា។ គរុំ គរុដ្ឋានិយំ ករោន្តីតិ គរុករណា។ សង្គណ្ហនត្ថាយាតិ សង្គហវត្ថុវិសេសភាវតោ សព្រហ្មចារីនំ សង្គហណាយ សំវត្តន្តីតិ សម្ពន្ធោ។ អវិវទនត្ថាយាតិ សង្គហវត្ថុភាវតោ ឯវ ន វិវទនត្ថាយ។ សតិ ច អវិវទនហេតុភូតសង្គហកត្តេ តេសំ វសេន សព្រហ្មចារីនំ សមគ្គភាវោ ភេទាភាវោ សិទ្ធោយេវាតិ អាហ ‘‘សាមគ្គិយា’’តិអាទិ។
12. Dutiye sabrahmacārīnanti sahadhammikānaṃ. Piyaṃ piyāyitabbakaṃ karontīti piyakaraṇā. Garuṃ garuṭṭhāniyaṃ karontīti garukaraṇā. Saṅgaṇhanatthāyāti saṅgahavatthuvisesabhāvato sabrahmacārīnaṃ saṅgahaṇāya saṃvattantīti sambandho. Avivadanatthāyāti saṅgahavatthubhāvato eva na vivadanatthāya. Sati ca avivadanahetubhūtasaṅgahakatte tesaṃ vasena sabrahmacārīnaṃ samaggabhāvo bhedābhāvo siddhoyevāti āha ‘‘sāmaggiyā’’tiādi.
ទុតិយសារណីយសុត្តវណ្ណនា និដ្ឋិតា។
Dutiyasāraṇīyasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ២. ទុតិយសារណីយសុត្តំ • 2. Dutiyasāraṇīyasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ២. ទុតិយសារណីយសុត្តវណ្ណនា • 2. Dutiyasāraṇīyasuttavaṇṇanā
