| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
૬. દુતિયસઞ્ઞાસુત્તવણ્ણના
6. Dutiyasaññāsuttavaṇṇanā
૪૯. છટ્ઠે ન્હારુવિલેખનન્તિ ચમ્મં લિખન્તાનં ચમ્મં લિખિત્વા છડ્ડિતકસટં. ‘‘એસોહમસ્મી’’તિઆદિના અહંકરણં અહઙ્કારો. ‘‘એતં મમા’’તિ મમંકરણં મમઙ્કારો. તેનાહ ‘‘અહઙ્કારદિટ્ઠિતો’’તિઆદિ. તિસ્સો વિધાતિ સેય્યસદિસહીનવસેન તયો માના. ‘‘એકવિધેન રૂપસઙ્ગહો’’તિઆદીસુ (ધ॰ સ॰ ૫૮૪) કોટ્ઠાસો ‘‘વિધા’’તિ વુત્તો. ‘‘કથંવિધં સીલવન્તં વદન્તિ, કથંવિધં પઞ્ઞવન્તં વદન્તી’’તિઆદીસુ (સં॰ નિ॰ ૧.૯૫) પકારો. ‘‘તિસ્સો ઇમા, ભિક્ખવે, વિધા. કતમા તિસ્સો? સેય્યોહમસ્મીતિ વિધા’’તિ (વિભ॰ ૯૨૦) એત્થ માનો ‘‘વિધા’’તિ વુત્તો. ઇધાપિ માનોવ અધિપ્પેતો. માનો હિ વિદહનતો હીનાદિવસેન તિવિધા. તેનાકારેન દહનતો ઉપદહનતો ‘‘વિધા’’તિ વુચ્ચતિ.
49. Chaṭṭhe nhāruvilekhananti cammaṃ likhantānaṃ cammaṃ likhitvā chaḍḍitakasaṭaṃ. ‘‘Esohamasmī’’tiādinā ahaṃkaraṇaṃ ahaṅkāro. ‘‘Etaṃ mamā’’ti mamaṃkaraṇaṃ mamaṅkāro. Tenāha ‘‘ahaṅkāradiṭṭhito’’tiādi. Tisso vidhāti seyyasadisahīnavasena tayo mānā. ‘‘Ekavidhena rūpasaṅgaho’’tiādīsu (dha. sa. 584) koṭṭhāso ‘‘vidhā’’ti vutto. ‘‘Kathaṃvidhaṃ sīlavantaṃ vadanti, kathaṃvidhaṃ paññavantaṃ vadantī’’tiādīsu (saṃ. ni. 1.95) pakāro. ‘‘Tisso imā, bhikkhave, vidhā. Katamā tisso? Seyyohamasmīti vidhā’’ti (vibha. 920) ettha māno ‘‘vidhā’’ti vutto. Idhāpi mānova adhippeto. Māno hi vidahanato hīnādivasena tividhā. Tenākārena dahanato upadahanato ‘‘vidhā’’ti vuccati.
દુતિયસઞ્ઞાસુત્તવણ્ણના નિટ્ઠિતા.
Dutiyasaññāsuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૬. દુતિયસઞ્ઞાસુત્તં • 6. Dutiyasaññāsuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૫-૬. સઞ્ઞાસુત્તદ્વયવણ્ણના • 5-6. Saññāsuttadvayavaṇṇanā
