| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৬. দুতিযসঞ্ঞাসুত্তৰণ্ণনা
6. Dutiyasaññāsuttavaṇṇanā
৪৯. ছট্ঠে ন্হারুৰিলেখনন্তি চম্মং লিখন্তানং চম্মং লিখিত্ৰা ছড্ডিতকসটং। ‘‘এসোহমস্মী’’তিআদিনা অহংকরণং অহঙ্কারো। ‘‘এতং মমা’’তি মমংকরণং মমঙ্কারো। তেনাহ ‘‘অহঙ্কারদিট্ঠিতো’’তিআদি। তিস্সো ৰিধাতি সেয্যসদিসহীনৰসেন তযো মানা। ‘‘একৰিধেন রূপসঙ্গহো’’তিআদীসু (ধ॰ স॰ ৫৮৪) কোট্ঠাসো ‘‘ৰিধা’’তি ৰুত্তো। ‘‘কথংৰিধং সীলৰন্তং ৰদন্তি, কথংৰিধং পঞ্ঞৰন্তং ৰদন্তী’’তিআদীসু (সং॰ নি॰ ১.৯৫) পকারো। ‘‘তিস্সো ইমা, ভিক্খৰে, ৰিধা। কতমা তিস্সো? সেয্যোহমস্মীতি ৰিধা’’তি (ৰিভ॰ ৯২০) এত্থ মানো ‘‘ৰিধা’’তি ৰুত্তো। ইধাপি মানোৰ অধিপ্পেতো। মানো হি ৰিদহনতো হীনাদিৰসেন তিৰিধা। তেনাকারেন দহনতো উপদহনতো ‘‘ৰিধা’’তি ৰুচ্চতি।
49. Chaṭṭhe nhāruvilekhananti cammaṃ likhantānaṃ cammaṃ likhitvā chaḍḍitakasaṭaṃ. ‘‘Esohamasmī’’tiādinā ahaṃkaraṇaṃ ahaṅkāro. ‘‘Etaṃ mamā’’ti mamaṃkaraṇaṃ mamaṅkāro. Tenāha ‘‘ahaṅkāradiṭṭhito’’tiādi. Tisso vidhāti seyyasadisahīnavasena tayo mānā. ‘‘Ekavidhena rūpasaṅgaho’’tiādīsu (dha. sa. 584) koṭṭhāso ‘‘vidhā’’ti vutto. ‘‘Kathaṃvidhaṃ sīlavantaṃ vadanti, kathaṃvidhaṃ paññavantaṃ vadantī’’tiādīsu (saṃ. ni. 1.95) pakāro. ‘‘Tisso imā, bhikkhave, vidhā. Katamā tisso? Seyyohamasmīti vidhā’’ti (vibha. 920) ettha māno ‘‘vidhā’’ti vutto. Idhāpi mānova adhippeto. Māno hi vidahanato hīnādivasena tividhā. Tenākārena dahanato upadahanato ‘‘vidhā’’ti vuccati.
দুতিযসঞ্ঞাসুত্তৰণ্ণনা নিট্ঠিতা।
Dutiyasaññāsuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৬. দুতিযসঞ্ঞাসুত্তং • 6. Dutiyasaññāsuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৫-৬. সঞ্ঞাসুত্তদ্ৰযৰণ্ণনা • 5-6. Saññāsuttadvayavaṇṇanā
