| Library / Tipiṭaka / ཏིཔིཊཀ • Tipiṭaka / སཱརཏྠདཱིཔནཱི-ཊཱིཀཱ • Sāratthadīpanī-ṭīkā |
༢. དུཏིཡསངྒྷཱདིསེསསིཀྑཱཔདཝཎྞནཱ
2. Dutiyasaṅghādisesasikkhāpadavaṇṇanā
༦༨༣. དུཏིཡེ མལླགཎབྷཊིཔུཏྟགཎཱདིཀནྟིཨཱདཱིསུ མལླགཎོ ནཱམ ནཱརཱཡནབྷཏྟིཀོ ཏཏྠ ཏཏྠ པཱནཱིཡཊྛཔནཔོཀྑརཎཱིཁཎནཱདིཔུཉྙཀམྨཀཱརཀོ གཎོ, བྷཊིཔུཏྟགཎོ ནཱམ ཀུམཱརབྷཏྟིཀགཎོ། དྷམྨགཎོཏི སཱསནབྷཏྟིགཎོ ཨནེཀཔྤཀཱརཔུཉྙཀམྨཀཱརཀགཎོ ཝུཙྩཏི། གནྡྷིཀསེཎཱིཏི ཨནེཀཔྤཀཱརསུགནྡྷིཝིཀཏིཀཱརཀོ གཎོ། དུསྶིཀསེཎཱིཏི པེསཀཱརཀགཎོ། ཀཔྤགཏིཀནྟི ཀཔྤིཡབྷཱཝཾ གཏཾ།
683. Dutiye mallagaṇabhaṭiputtagaṇādikantiādīsu mallagaṇo nāma nārāyanabhattiko tattha tattha pānīyaṭṭhapanapokkharaṇīkhaṇanādipuññakammakārako gaṇo, bhaṭiputtagaṇo nāma kumārabhattikagaṇo. Dhammagaṇoti sāsanabhattigaṇo anekappakārapuññakammakārakagaṇo vuccati. Gandhikaseṇīti anekappakārasugandhivikatikārako gaṇo. Dussikaseṇīti pesakārakagaṇo. Kappagatikanti kappiyabhāvaṃ gataṃ.
ཝུཊྛཱཔེནྟིཡཱཏི ཨུཔསམྤཱདེནྟིཡཱ། ‘‘ཙོརིཾ ཝུཏྟནཡེན ཨནཱཔུཙྪཱ པབྦཱཛེནྟིཡཱ དུཀྐཊ’’ནྟི ཝདནྟི། པཎྞཏྟིཾ ཨཛཱནནྟཱ ཨརིཡཱཔི ཝུཊྛཱཔེནྟཱིཏི ཝཱ ཀམྨཝཱཙཱཔརིཡོསཱནེ ཨཱཔཏྟིཀྑཎེ ཝིཔཱཀཱབྱཱཀཏསམངྒིཏཱཝསེན ཝཱ ‘‘ཏིཙིཏྟ’’ནྟི ཝུཏྟནྟི ཝེདིཏབྦཾ། སེསམེཏྠ ཨུཏྟཱནམེཝ། ཙོརིཏཱ, ཙོརིསཉྙཱ, ཨཉྙཏྲ ཨནུཉྙཱཏཀཱརཎཱ ཝུཊྛཱཔནནྟི ཨིམཱནི པནེཏྠ ཏཱིཎི ཨངྒཱནི།
Vuṭṭhāpentiyāti upasampādentiyā. ‘‘Coriṃ vuttanayena anāpucchā pabbājentiyā dukkaṭa’’nti vadanti. Paṇṇattiṃ ajānantā ariyāpi vuṭṭhāpentīti vā kammavācāpariyosāne āpattikkhaṇe vipākābyākatasamaṅgitāvasena vā ‘‘ticitta’’nti vuttanti veditabbaṃ. Sesamettha uttānameva. Coritā, corisaññā, aññatra anuññātakāraṇā vuṭṭhāpananti imāni panettha tīṇi aṅgāni.
དུཏིཡསངྒྷཱདིསེསསིཀྑཱཔདཝཎྞནཱ ནིཊྛིཏཱ།
Dutiyasaṅghādisesasikkhāpadavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / བྷིཀྑུནཱིཝིབྷངྒ • Bhikkhunīvibhaṅga / ༢. དུཏིཡསངྒྷཱདིསེསསིཀྑཱཔདཾ • 2. Dutiyasaṅghādisesasikkhāpadaṃ
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / བྷིཀྑུནཱིཝིབྷངྒ-ཨཊྛཀཐཱ • Bhikkhunīvibhaṅga-aṭṭhakathā / ༢. དུཏིཡསངྒྷཱདིསེསསིཀྑཱཔདཝཎྞནཱ • 2. Dutiyasaṅghādisesasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ༢. དུཏིཡསངྒྷཱདིསེསསིཀྑཱཔདཝཎྞནཱ • 2. Dutiyasaṅghādisesasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༢. དུཏིཡསངྒྷཱདིསེསསིཀྑཱཔདཝཎྞནཱ • 2. Dutiyasaṅghādisesasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༢. དུཏིཡསངྒྷཱདིསེསསིཀྑཱཔདཾ • 2. Dutiyasaṅghādisesasikkhāpadaṃ
