| Tipiṭaka / తిపిటక • Tipiṭaka / సారత్థదీపనీ-టీకా • Sāratthadīpanī-ṭīkā |
౨. దుతియసఙ్ఘాదిసేససిక్ఖాపదవణ్ణనా
2. Dutiyasaṅghādisesasikkhāpadavaṇṇanā
౬౮౩. దుతియే మల్లగణభటిపుత్తగణాదికన్తిఆదీసు మల్లగణో నామ నారాయనభత్తికో తత్థ తత్థ పానీయట్ఠపనపోక్ఖరణీఖణనాదిపుఞ్ఞకమ్మకారకో గణో, భటిపుత్తగణో నామ కుమారభత్తికగణో. ధమ్మగణోతి సాసనభత్తిగణో అనేకప్పకారపుఞ్ఞకమ్మకారకగణో వుచ్చతి. గన్ధికసేణీతి అనేకప్పకారసుగన్ధివికతికారకో గణో. దుస్సికసేణీతి పేసకారకగణో. కప్పగతికన్తి కప్పియభావం గతం.
683. Dutiye mallagaṇabhaṭiputtagaṇādikantiādīsu mallagaṇo nāma nārāyanabhattiko tattha tattha pānīyaṭṭhapanapokkharaṇīkhaṇanādipuññakammakārako gaṇo, bhaṭiputtagaṇo nāma kumārabhattikagaṇo. Dhammagaṇoti sāsanabhattigaṇo anekappakārapuññakammakārakagaṇo vuccati. Gandhikaseṇīti anekappakārasugandhivikatikārako gaṇo. Dussikaseṇīti pesakārakagaṇo. Kappagatikanti kappiyabhāvaṃ gataṃ.
వుట్ఠాపేన్తియాతి ఉపసమ్పాదేన్తియా. ‘‘చోరిం వుత్తనయేన అనాపుచ్ఛా పబ్బాజేన్తియా దుక్కట’’న్తి వదన్తి. పణ్ణత్తిం అజానన్తా అరియాపి వుట్ఠాపేన్తీతి వా కమ్మవాచాపరియోసానే ఆపత్తిక్ఖణే విపాకాబ్యాకతసమఙ్గితావసేన వా ‘‘తిచిత్త’’న్తి వుత్తన్తి వేదితబ్బం. సేసమేత్థ ఉత్తానమేవ. చోరితా, చోరిసఞ్ఞా, అఞ్ఞత్ర అనుఞ్ఞాతకారణా వుట్ఠాపనన్తి ఇమాని పనేత్థ తీణి అఙ్గాని.
Vuṭṭhāpentiyāti upasampādentiyā. ‘‘Coriṃ vuttanayena anāpucchā pabbājentiyā dukkaṭa’’nti vadanti. Paṇṇattiṃ ajānantā ariyāpi vuṭṭhāpentīti vā kammavācāpariyosāne āpattikkhaṇe vipākābyākatasamaṅgitāvasena vā ‘‘ticitta’’nti vuttanti veditabbaṃ. Sesamettha uttānameva. Coritā, corisaññā, aññatra anuññātakāraṇā vuṭṭhāpananti imāni panettha tīṇi aṅgāni.
దుతియసఙ్ఘాదిసేససిక్ఖాపదవణ్ణనా నిట్ఠితా.
Dutiyasaṅghādisesasikkhāpadavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / భిక్ఖునీవిభఙ్గ • Bhikkhunīvibhaṅga / ౨. దుతియసఙ్ఘాదిసేససిక్ఖాపదం • 2. Dutiyasaṅghādisesasikkhāpadaṃ
అట్ఠకథా • Aṭṭhakathā / వినయపిటక (అట్ఠకథా) • Vinayapiṭaka (aṭṭhakathā) / భిక్ఖునీవిభఙ్గ-అట్ఠకథా • Bhikkhunīvibhaṅga-aṭṭhakathā / ౨. దుతియసఙ్ఘాదిసేససిక్ఖాపదవణ్ణనా • 2. Dutiyasaṅghādisesasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / ౨. దుతియసఙ్ఘాదిసేససిక్ఖాపదవణ్ణనా • 2. Dutiyasaṅghādisesasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / ౨. దుతియసఙ్ఘాదిసేససిక్ఖాపదవణ్ణనా • 2. Dutiyasaṅghādisesasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౨. దుతియసఙ్ఘాదిసేససిక్ఖాపదం • 2. Dutiyasaṅghādisesasikkhāpadaṃ
