| Library / Tipiṭaka / तिपिटक • Tipiṭaka / विमतिविनोदनी-टीका • Vimativinodanī-ṭīkā |
२. दुतियसङ्घादिसेससिक्खापदवण्णना
2. Dutiyasaṅghādisesasikkhāpadavaṇṇanā
६८३. पाळियं दुतिये मल्लगणभटिपुत्तगणादिकन्तिआदीसु मल्लराजूनं गणो मल्लगणो। भटिपुत्ता नाम केचि गणराजानो, तेसं गणो। केचि पन ‘‘नारायनभत्तिको पुञ्ञकारगणो मल्लगणो। तथा कुमारभत्तिको च गणो भटिपुत्तगणो’’तिपि (सारत्थ॰ टी॰ संघादिसेसकण्ड ३.६८३) वदन्ति। धम्मगणोति सासने, लोके वा अनेकप्पकारपुञ्ञकारको गणो। गन्धविकतिकारको गणो गन्धिकसेणी। पेसकारादिगणो दुस्सिकसेणी। कप्पगतिकन्ति कप्पियभावगतं, पब्बजितपुब्बन्ति अत्थो।
683. Pāḷiyaṃ dutiye mallagaṇabhaṭiputtagaṇādikantiādīsu mallarājūnaṃ gaṇo mallagaṇo. Bhaṭiputtā nāma keci gaṇarājāno, tesaṃ gaṇo. Keci pana ‘‘nārāyanabhattiko puññakāragaṇo mallagaṇo. Tathā kumārabhattiko ca gaṇo bhaṭiputtagaṇo’’tipi (sārattha. ṭī. saṃghādisesakaṇḍa 3.683) vadanti. Dhammagaṇoti sāsane, loke vā anekappakārapuññakārako gaṇo. Gandhavikatikārako gaṇo gandhikaseṇī. Pesakārādigaṇo dussikaseṇī. Kappagatikanti kappiyabhāvagataṃ, pabbajitapubbanti attho.
६८५. पाळियं वुट्ठापेतीति उपसम्पादेति। अकप्पगतम्पि पब्बाजेन्तिया दुक्कटन्ति वदन्ति। खीणासवायपि आपज्जितब्बतो ‘‘तिचित्त’’न्ति वुत्तं। चोरिता, तं ञत्वा अननुञ्ञातकारणा वुट्ठापनन्ति द्वे अङ्गानि।
685. Pāḷiyaṃ vuṭṭhāpetīti upasampādeti. Akappagatampi pabbājentiyā dukkaṭanti vadanti. Khīṇāsavāyapi āpajjitabbato ‘‘ticitta’’nti vuttaṃ. Coritā, taṃ ñatvā ananuññātakāraṇā vuṭṭhāpananti dve aṅgāni.
दुतियसङ्घादिसेससिक्खापदवण्णना निट्ठिता।
Dutiyasaṅghādisesasikkhāpadavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / भिक्खुनीविभङ्ग • Bhikkhunīvibhaṅga / २. दुतियसङ्घादिसेससिक्खापदं • 2. Dutiyasaṅghādisesasikkhāpadaṃ
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / भिक्खुनीविभङ्ग-अट्ठकथा • Bhikkhunīvibhaṅga-aṭṭhakathā / २. दुतियसङ्घादिसेससिक्खापदवण्णना • 2. Dutiyasaṅghādisesasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / २. दुतियसङ्घादिसेससिक्खापदवण्णना • 2. Dutiyasaṅghādisesasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / २. दुतियसङ्घादिसेससिक्खापदवण्णना • 2. Dutiyasaṅghādisesasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / २. दुतियसङ्घादिसेससिक्खापदं • 2. Dutiyasaṅghādisesasikkhāpadaṃ
