| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
២-៣. ទុតិយសមុទ្ទសុត្តាទិវណ្ណនា
2-3. Dutiyasamuddasuttādivaṇṇanā
២២៩-២៣០. ទុតិយេ សមុទ្ទោតិ សមុទ្ទនដ្ឋេន សមុទ្ទោ, កិលេទនដ្ឋេន តេមនដ្ឋេនាតិ វុត្តំ ហោតិ។ យេភុយ្យេនាតិ ឋបេត្វា អរិយសាវកេ។ សមុន្នាតិ កិលិន្នា តិន្តា និមុគ្គា។ តន្តាកុលកជាតាតិអាទិ ហេដ្ឋា វិត្ថារិតមេវ។ មច្ចុជហោតិ តយោ មច្ចូ ជហិត្វា ឋិតោ។ និរុបធីតិ តីហិ ឧបធីហិ អនុបធិ។ អបុនព្ភវាយាតិ និព្ពានត្ថាយ។ អមោហយី មច្ចុរាជន្តិ យថា តស្ស គតិំ ន ជានាតិ, ឯវំ មច្ចុរាជានំ មោហេត្វា គតោ។ តតិយំ វុត្តនយមេវ។
229-230. Dutiye samuddoti samuddanaṭṭhena samuddo, kiledanaṭṭhena temanaṭṭhenāti vuttaṃ hoti. Yebhuyyenāti ṭhapetvā ariyasāvake. Samunnāti kilinnā tintā nimuggā. Tantākulakajātātiādi heṭṭhā vitthāritameva. Maccujahoti tayo maccū jahitvā ṭhito. Nirupadhīti tīhi upadhīhi anupadhi. Apunabbhavāyāti nibbānatthāya. Amohayī maccurājanti yathā tassa gatiṃ na jānāti, evaṃ maccurājānaṃ mohetvā gato. Tatiyaṃ vuttanayameva.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya
២. ទុតិយសមុទ្ទសុត្តំ • 2. Dutiyasamuddasuttaṃ
៣. ពាឡិសិកោបមសុត្តំ • 3. Bāḷisikopamasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ២-៣. ទុតិយសមុទ្ទសុត្តាទិវណ្ណនា • 2-3. Dutiyasamuddasuttādivaṇṇanā
