| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༤. དུཏིཡསམྦྷེཛྫཨུདཀསུཏྟཾ
4. Dutiyasambhejjaudakasuttaṃ
༧༧. སཱཝཏྠིཡཾ ཝིཧརཏི…པེ॰… ‘‘སེཡྻཐཱཔི, བྷིཀྑཝེ, ཡཏྠིམཱ མཧཱནདིཡོ སཾསནྡནྟི སམེནྟི, སེཡྻཐིདཾ – གངྒཱ ཡམུནཱ ཨཙིརཝཏཱི སརབྷཱུ མཧཱི, ཏཾ ཨུདཀཾ པརིཀྑཡཾ པརིཡཱདཱནཾ གཙྪེཡྻ ཋཔེཏྭཱ དྭེ ཝཱ ཏཱིཎི ཝཱ ཨུདཀཕུསིཏཱནི། ཏཾ ཀིཾ མཉྙཐ, བྷིཀྑཝེ, ཀཏམཾ ནུ ཁོ བཧུཏརཾ, ཡཾ ཝཱ སམྦྷེཛྫཨུདཀཾ པརིཀྑཱིཎཾ པརིཡཱདིཎྞཾ ཡཱནི ཝཱ དྭེ ཝཱ ཏཱིཎི ཝཱ ཨུདཀཕུསིཏཱནི ཨཝསིཊྛཱནཱི’’ཏི?
77. Sāvatthiyaṃ viharati…pe… ‘‘seyyathāpi, bhikkhave, yatthimā mahānadiyo saṃsandanti samenti, seyyathidaṃ – gaṅgā yamunā aciravatī sarabhū mahī, taṃ udakaṃ parikkhayaṃ pariyādānaṃ gaccheyya ṭhapetvā dve vā tīṇi vā udakaphusitāni. Taṃ kiṃ maññatha, bhikkhave, katamaṃ nu kho bahutaraṃ, yaṃ vā sambhejjaudakaṃ parikkhīṇaṃ pariyādiṇṇaṃ yāni vā dve vā tīṇi vā udakaphusitāni avasiṭṭhānī’’ti?
‘‘ཨེཏདེཝ, བྷནྟེ, བཧུཏརཾ སམྦྷེཛྫཨུདཀཾ ཡདིདཾ པརིཀྑཱིཎཾ པརིཡཱདིཎྞཾ; ཨཔྤམཏྟཀཱནི དྭེ ཝཱ ཏཱིཎི ཝཱ ཨུདཀཕུསིཏཱནི ཨཝསིཊྛཱནི། ནེཝ སཏིམཾ ཀལཾ ཨུཔེནྟི ན སཧསྶིམཾ ཀལཾ ཨུཔེནྟི ན སཏསཧསྶིམཾ ཀལཾ ཨུཔེནྟི སམྦྷེཛྫཨུདཀཾ པརིཀྑཱིཎཾ པརིཡཱདིཎྞཾ ཨུཔནིདྷཱཡ དྭེ ཝཱ ཏཱིཎི ཝཱ ཨུདཀཕུསིཏཱནི ཨཝསིཊྛཱནཱི’’ཏི། ‘‘ཨེཝམེཝ ཁོ, བྷིཀྑཝེ…པེ॰… དྷམྨཙཀྑུཔཊིལཱབྷོ’’ཏི། ཙཏུཏྠཾ།
‘‘Etadeva, bhante, bahutaraṃ sambhejjaudakaṃ yadidaṃ parikkhīṇaṃ pariyādiṇṇaṃ; appamattakāni dve vā tīṇi vā udakaphusitāni avasiṭṭhāni. Neva satimaṃ kalaṃ upenti na sahassimaṃ kalaṃ upenti na satasahassimaṃ kalaṃ upenti sambhejjaudakaṃ parikkhīṇaṃ pariyādiṇṇaṃ upanidhāya dve vā tīṇi vā udakaphusitāni avasiṭṭhānī’’ti. ‘‘Evameva kho, bhikkhave…pe… dhammacakkhupaṭilābho’’ti. Catutthaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༣. སཾབྷེཛྫཨུདཀསུཏྟཱདིཝཎྞནཱ • 3. Saṃbhejjaudakasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༣. སཾབྷེཛྫཨུདཀསུཏྟཱདིཝཎྞནཱ • 3. Saṃbhejjaudakasuttādivaṇṇanā
