| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၁၀. ဒုတိယသမယဝိမုတ္တသုတ္တံ
10. Dutiyasamayavimuttasuttaṃ
၁၅၀. 1 ‘‘ပဉ္စိမေ, ဘိက္ခဝေ, ဓမ္မာ သမယဝိမုတ္တသ္သ ဘိက္ခုနော ပရိဟာနာယ သံဝတ္တန္တိ။ ကတမေ ပဉ္စ? ကမ္မာရာမတာ, ဘသ္သာရာမတာ, နိဒ္ဒာရာမတာ, ဣန္ဒ္ရိယေသု အဂုတ္တဒ္ဝာရတာ, ဘောဇနေ အမတ္တညုတာ။ ဣမေ ခော, ဘိက္ခဝေ, ပဉ္စ ဓမ္မာ သမယဝိမုတ္တသ္သ ဘိက္ခုနော ပရိဟာနာယ သံဝတ္တန္တိ။
150.2 ‘‘Pañcime, bhikkhave, dhammā samayavimuttassa bhikkhuno parihānāya saṃvattanti. Katame pañca? Kammārāmatā, bhassārāmatā, niddārāmatā, indriyesu aguttadvāratā, bhojane amattaññutā. Ime kho, bhikkhave, pañca dhammā samayavimuttassa bhikkhuno parihānāya saṃvattanti.
‘‘ပဉ္စိမေ, ဘိက္ခဝေ, ဓမ္မာ သမယဝိမုတ္တသ္သ ဘိက္ခုနော အပရိဟာနာယ သံဝတ္တန္တိ။ ကတမေ ပဉ္စ? န ကမ္မာရာမတာ, န ဘသ္သာရာမတာ, န နိဒ္ဒာရာမတာ, ဣန္ဒ္ရိယေသု ဂုတ္တဒ္ဝာရတာ, ဘောဇနေ မတ္တညုတာ။ ဣမေ ခော, ဘိက္ခဝေ, ပဉ္စ ဓမ္မာ သမယဝိမုတ္တသ္သ ဘိက္ခုနော အပရိဟာနာယ သံဝတ္တန္တီ’’တိ။ ဒသမံ။
‘‘Pañcime, bhikkhave, dhammā samayavimuttassa bhikkhuno aparihānāya saṃvattanti. Katame pañca? Na kammārāmatā, na bhassārāmatā, na niddārāmatā, indriyesu guttadvāratā, bhojane mattaññutā. Ime kho, bhikkhave, pañca dhammā samayavimuttassa bhikkhuno aparihānāya saṃvattantī’’ti. Dasamaṃ.
တိကဏ္ဍကီဝဂ္ဂော ပဉ္စမော။
Tikaṇḍakīvaggo pañcamo.
တသ္သုဒ္ဒာနံ –
Tassuddānaṃ –
ဒတ္ဝာ အဝဇာနာတိ အာရဘတိ စ၊ သာရန္ဒဒ တိကဏ္ဍ နိရယေန စ။
Datvā avajānāti ārabhati ca, sārandada tikaṇḍa nirayena ca;
မိတ္တော အသပ္ပုရိသသပ္ပုရိသေန၊ သမယဝိမုတ္တံ အပရေ ဒ္ဝေတိ။
Mitto asappurisasappurisena, samayavimuttaṃ apare dveti.
တတိယပဏ္ဏာသကံ သမတ္တံ။
Tatiyapaṇṇāsakaṃ samattaṃ.
Footnotes:
Related texts:
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၇-၁၀. အသပ္ပုရိသဒာနသုတ္တာဒိဝဏ္ဏနာ • 7-10. Asappurisadānasuttādivaṇṇanā
