| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૧૦. દુતિયસમયવિમુત્તસુત્તં
10. Dutiyasamayavimuttasuttaṃ
૧૫૦. 1 ‘‘પઞ્ચિમે, ભિક્ખવે, ધમ્મા સમયવિમુત્તસ્સ ભિક્ખુનો પરિહાનાય સંવત્તન્તિ. કતમે પઞ્ચ? કમ્મારામતા, ભસ્સારામતા, નિદ્દારામતા, ઇન્દ્રિયેસુ અગુત્તદ્વારતા, ભોજને અમત્તઞ્ઞુતા. ઇમે ખો, ભિક્ખવે, પઞ્ચ ધમ્મા સમયવિમુત્તસ્સ ભિક્ખુનો પરિહાનાય સંવત્તન્તિ.
150.2 ‘‘Pañcime, bhikkhave, dhammā samayavimuttassa bhikkhuno parihānāya saṃvattanti. Katame pañca? Kammārāmatā, bhassārāmatā, niddārāmatā, indriyesu aguttadvāratā, bhojane amattaññutā. Ime kho, bhikkhave, pañca dhammā samayavimuttassa bhikkhuno parihānāya saṃvattanti.
‘‘પઞ્ચિમે, ભિક્ખવે, ધમ્મા સમયવિમુત્તસ્સ ભિક્ખુનો અપરિહાનાય સંવત્તન્તિ. કતમે પઞ્ચ? ન કમ્મારામતા, ન ભસ્સારામતા, ન નિદ્દારામતા, ઇન્દ્રિયેસુ ગુત્તદ્વારતા, ભોજને મત્તઞ્ઞુતા. ઇમે ખો, ભિક્ખવે, પઞ્ચ ધમ્મા સમયવિમુત્તસ્સ ભિક્ખુનો અપરિહાનાય સંવત્તન્તી’’તિ. દસમં.
‘‘Pañcime, bhikkhave, dhammā samayavimuttassa bhikkhuno aparihānāya saṃvattanti. Katame pañca? Na kammārāmatā, na bhassārāmatā, na niddārāmatā, indriyesu guttadvāratā, bhojane mattaññutā. Ime kho, bhikkhave, pañca dhammā samayavimuttassa bhikkhuno aparihānāya saṃvattantī’’ti. Dasamaṃ.
તિકણ્ડકીવગ્ગો પઞ્ચમો.
Tikaṇḍakīvaggo pañcamo.
તસ્સુદ્દાનં –
Tassuddānaṃ –
દત્વા અવજાનાતિ આરભતિ ચ, સારન્દદ તિકણ્ડ નિરયેન ચ;
Datvā avajānāti ārabhati ca, sārandada tikaṇḍa nirayena ca;
મિત્તો અસપ્પુરિસસપ્પુરિસેન, સમયવિમુત્તં અપરે દ્વેતિ.
Mitto asappurisasappurisena, samayavimuttaṃ apare dveti.
તતિયપણ્ણાસકં સમત્તં.
Tatiyapaṇṇāsakaṃ samattaṃ.
Footnotes:
Related texts:
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૭-૧૦. અસપ્પુરિસદાનસુત્તાદિવણ્ણના • 7-10. Asappurisadānasuttādivaṇṇanā
