| Library / Tipiṭaka / తిపిటక • Tipiṭaka / అఙ్గుత్తరనికాయ • Aṅguttaranikāya |
౧౦. దుతియసమయవిముత్తసుత్తం
10. Dutiyasamayavimuttasuttaṃ
౧౫౦. 1 ‘‘పఞ్చిమే, భిక్ఖవే, ధమ్మా సమయవిముత్తస్స భిక్ఖునో పరిహానాయ సంవత్తన్తి. కతమే పఞ్చ? కమ్మారామతా, భస్సారామతా, నిద్దారామతా, ఇన్ద్రియేసు అగుత్తద్వారతా, భోజనే అమత్తఞ్ఞుతా. ఇమే ఖో, భిక్ఖవే, పఞ్చ ధమ్మా సమయవిముత్తస్స భిక్ఖునో పరిహానాయ సంవత్తన్తి.
150.2 ‘‘Pañcime, bhikkhave, dhammā samayavimuttassa bhikkhuno parihānāya saṃvattanti. Katame pañca? Kammārāmatā, bhassārāmatā, niddārāmatā, indriyesu aguttadvāratā, bhojane amattaññutā. Ime kho, bhikkhave, pañca dhammā samayavimuttassa bhikkhuno parihānāya saṃvattanti.
‘‘పఞ్చిమే, భిక్ఖవే, ధమ్మా సమయవిముత్తస్స భిక్ఖునో అపరిహానాయ సంవత్తన్తి. కతమే పఞ్చ? న కమ్మారామతా, న భస్సారామతా, న నిద్దారామతా, ఇన్ద్రియేసు గుత్తద్వారతా, భోజనే మత్తఞ్ఞుతా. ఇమే ఖో, భిక్ఖవే, పఞ్చ ధమ్మా సమయవిముత్తస్స భిక్ఖునో అపరిహానాయ సంవత్తన్తీ’’తి. దసమం.
‘‘Pañcime, bhikkhave, dhammā samayavimuttassa bhikkhuno aparihānāya saṃvattanti. Katame pañca? Na kammārāmatā, na bhassārāmatā, na niddārāmatā, indriyesu guttadvāratā, bhojane mattaññutā. Ime kho, bhikkhave, pañca dhammā samayavimuttassa bhikkhuno aparihānāya saṃvattantī’’ti. Dasamaṃ.
తికణ్డకీవగ్గో పఞ్చమో.
Tikaṇḍakīvaggo pañcamo.
తస్సుద్దానం –
Tassuddānaṃ –
దత్వా అవజానాతి ఆరభతి చ, సారన్దద తికణ్డ నిరయేన చ;
Datvā avajānāti ārabhati ca, sārandada tikaṇḍa nirayena ca;
మిత్తో అసప్పురిససప్పురిసేన, సమయవిముత్తం అపరే ద్వేతి.
Mitto asappurisasappurisena, samayavimuttaṃ apare dveti.
తతియపణ్ణాసకం సమత్తం.
Tatiyapaṇṇāsakaṃ samattaṃ.
Footnotes:
Related texts:
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౭-౧౦. అసప్పురిసదానసుత్తాదివణ్ణనా • 7-10. Asappurisadānasuttādivaṇṇanā
