| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
১০. দুতিযসমযৰিমুত্তসুত্তং
10. Dutiyasamayavimuttasuttaṃ
১৫০. 1 ‘‘পঞ্চিমে, ভিক্খৰে, ধম্মা সমযৰিমুত্তস্স ভিক্খুনো পরিহানায সংৰত্তন্তি। কতমে পঞ্চ? কম্মারামতা, ভস্সারামতা, নিদ্দারামতা, ইন্দ্রিযেসু অগুত্তদ্ৰারতা, ভোজনে অমত্তঞ্ঞুতা। ইমে খো, ভিক্খৰে, পঞ্চ ধম্মা সমযৰিমুত্তস্স ভিক্খুনো পরিহানায সংৰত্তন্তি।
150.2 ‘‘Pañcime, bhikkhave, dhammā samayavimuttassa bhikkhuno parihānāya saṃvattanti. Katame pañca? Kammārāmatā, bhassārāmatā, niddārāmatā, indriyesu aguttadvāratā, bhojane amattaññutā. Ime kho, bhikkhave, pañca dhammā samayavimuttassa bhikkhuno parihānāya saṃvattanti.
‘‘পঞ্চিমে, ভিক্খৰে, ধম্মা সমযৰিমুত্তস্স ভিক্খুনো অপরিহানায সংৰত্তন্তি। কতমে পঞ্চ? ন কম্মারামতা, ন ভস্সারামতা, ন নিদ্দারামতা, ইন্দ্রিযেসু গুত্তদ্ৰারতা, ভোজনে মত্তঞ্ঞুতা। ইমে খো, ভিক্খৰে, পঞ্চ ধম্মা সমযৰিমুত্তস্স ভিক্খুনো অপরিহানায সংৰত্তন্তী’’তি। দসমং।
‘‘Pañcime, bhikkhave, dhammā samayavimuttassa bhikkhuno aparihānāya saṃvattanti. Katame pañca? Na kammārāmatā, na bhassārāmatā, na niddārāmatā, indriyesu guttadvāratā, bhojane mattaññutā. Ime kho, bhikkhave, pañca dhammā samayavimuttassa bhikkhuno aparihānāya saṃvattantī’’ti. Dasamaṃ.
তিকণ্ডকীৰগ্গো পঞ্চমো।
Tikaṇḍakīvaggo pañcamo.
তস্সুদ্দানং –
Tassuddānaṃ –
দত্ৰা অৰজানাতি আরভতি চ, সারন্দদ তিকণ্ড নিরযেন চ।
Datvā avajānāti ārabhati ca, sārandada tikaṇḍa nirayena ca;
মিত্তো অসপ্পুরিসসপ্পুরিসেন, সমযৰিমুত্তং অপরে দ্ৰেতি॥
Mitto asappurisasappurisena, samayavimuttaṃ apare dveti.
ততিযপণ্ণাসকং সমত্তং।
Tatiyapaṇṇāsakaṃ samattaṃ.
Footnotes:
Related texts:
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৭-১০. অসপ্পুরিসদানসুত্তাদিৰণ্ণনা • 7-10. Asappurisadānasuttādivaṇṇanā
