| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૮. દુતિયસમયસુત્તવણ્ણના
8. Dutiyasamayasuttavaṇṇanā
૨૮. અટ્ઠમે મણ્ડલમાળેતિ ભોજનસાલાય. ચારિત્તકિલમથોતિ પિણ્ડપાતચરિયાય ઉપ્પન્નકિલમથો. ભત્તકિલમથોતિ ભત્તદરથો. વિહારપચ્છાયાયન્તિ વિહારપચ્ચન્તે છાયાય. યદેવસ્સ દિવા સમાધિનિમિત્તં મનસિકતં હોતીતિ યં એવ તસ્સ તતો પુરિમદિવસભાગે સમથનિમિત્તં ચિત્તે કતં હોતિ. તદેવસ્સ તસ્મિં સમયે સમુદાચરતીતિ તંયેવ એતસ્સ તસ્મિં સમયે દિવાવિહારે નિસિન્નસ્સ મનોદ્વારે સઞ્ચરતિ. ઓજટ્ઠાયીતિ ઓજાય ઠિતો પતિટ્ઠિતો. ફાસુકસ્સ હોતીતિ ફાસુકં અસ્સ હોતિ. સમ્મુખાતિ કથેન્તસ્સ સમ્મુખટ્ઠાને. સુતન્તિ સોતેન સુતં. પટિગ્ગહિતન્તિ ચિત્તેન પટિગ્ગહિતં.
28. Aṭṭhame maṇḍalamāḷeti bhojanasālāya. Cārittakilamathoti piṇḍapātacariyāya uppannakilamatho. Bhattakilamathoti bhattadaratho. Vihārapacchāyāyanti vihārapaccante chāyāya. Yadevassadivā samādhinimittaṃ manasikataṃ hotīti yaṃ eva tassa tato purimadivasabhāge samathanimittaṃ citte kataṃ hoti. Tadevassa tasmiṃ samaye samudācaratīti taṃyeva etassa tasmiṃ samaye divāvihāre nisinnassa manodvāre sañcarati. Ojaṭṭhāyīti ojāya ṭhito patiṭṭhito. Phāsukassahotīti phāsukaṃ assa hoti. Sammukhāti kathentassa sammukhaṭṭhāne. Sutanti sotena sutaṃ. Paṭiggahitanti cittena paṭiggahitaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૮. દુતિયસમયસુત્તં • 8. Dutiyasamayasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૮. દુતિયસમયસુત્તવણ્ણના • 8. Dutiyasamayasuttavaṇṇanā
