| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౭. దుతియసమణబ్రాహ్మణసుత్తవణ్ణనా
7. Dutiyasamaṇabrāhmaṇasuttavaṇṇanā
౪౭౭. సత్తమే సద్ధిన్ద్రియం నప్పజానన్తీతి దుక్ఖసచ్చవసేన న పజానన్తి. సద్ధిన్ద్రియసముదయం నప్పజానన్తీతి సముదయసచ్చవసేన న పజానన్తి. ఏవం నిరోధం నిరోధసచ్చవసేన, పటిపదం మగ్గసచ్చవసేనాతి. సేసేసుపి ఏసేవ నయో.
477. Sattame saddhindriyaṃ nappajānantīti dukkhasaccavasena na pajānanti. Saddhindriyasamudayaṃ nappajānantīti samudayasaccavasena na pajānanti. Evaṃ nirodhaṃ nirodhasaccavasena, paṭipadaṃ maggasaccavasenāti. Sesesupi eseva nayo.
సుక్కపక్ఖే పన అధిమోక్ఖవసేన ఆవజ్జనసముదయా సద్ధిన్ద్రియసముదయో హోతి, పగ్గహవసేన ఆవజ్జనసముదయా వీరియిన్ద్రియసముదయో, ఉపట్ఠానవసేన ఆవజ్జనసముదయా సతిన్ద్రియసముదయో, అవిక్ఖేపవసేన ఆవజ్జనసముదయా సమాధిన్ద్రియసముదయో, దస్సనవసేన ఆవజ్జనసముదయా పఞ్ఞిన్ద్రియసముదయో హోతి. తథా ఛన్దవసేన ఆవజ్జనసముదయా సద్ధిన్ద్రియసముదయో హోతి, ఛన్దవసేన ఆవజ్జనసముదయా వీరియసతిసమాధిపఞ్ఞిన్ద్రియసముదయో హోతి. మనసికారవసేన ఆవజ్జనసముదయా సద్ధిన్ద్రియసముదయో హోతి. మనసికారవసేన ఆవజ్జనసముదయా వీరియసతిసమాధిపఞ్ఞిన్ద్రియసముదయో హోతీతి ఏవమ్పి అత్థో వేదితబ్బో. ఇమేసు పటిపాటియా ఛసు సుత్తేసు చతుసచ్చమేవ కథితం.
Sukkapakkhe pana adhimokkhavasena āvajjanasamudayā saddhindriyasamudayo hoti, paggahavasena āvajjanasamudayā vīriyindriyasamudayo, upaṭṭhānavasena āvajjanasamudayā satindriyasamudayo, avikkhepavasena āvajjanasamudayā samādhindriyasamudayo, dassanavasena āvajjanasamudayā paññindriyasamudayo hoti. Tathā chandavasena āvajjanasamudayā saddhindriyasamudayo hoti, chandavasena āvajjanasamudayā vīriyasatisamādhipaññindriyasamudayo hoti. Manasikāravasena āvajjanasamudayā saddhindriyasamudayo hoti. Manasikāravasena āvajjanasamudayā vīriyasatisamādhipaññindriyasamudayo hotīti evampi attho veditabbo. Imesu paṭipāṭiyā chasu suttesu catusaccameva kathitaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౭. దుతియసమణబ్రాహ్మణసుత్తం • 7. Dutiyasamaṇabrāhmaṇasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / దుతియసమణబ్రాహ్మణసుత్తవణ్ణనా • 7. Dutiyasamaṇabrāhmaṇasuttavaṇṇanā
