| Library / Tipiṭaka / ติปิฎก • Tipiṭaka / กงฺขาวิตรณี-อภินว-ฎีกา • Kaṅkhāvitaraṇī-abhinava-ṭīkā |
๖. ทุติยสหเสยฺยสิกฺขาปทวณฺณนา
6. Dutiyasahaseyyasikkhāpadavaṇṇanā
มนุสฺสิตฺถิยาติ ชีวมานกมนุสฺสิตฺถิยาฯ ‘‘มติตฺถี ปน กิญฺจาปิ ปาราชิกวตฺถุภูตา, อนุปาทินฺนปเกฺข ปน ฐิตตฺตา สหเสยฺยาปตฺติํ น กโรตี’’ติ (วชิร. ฎี. ปาจิตฺติย ๕๕) วทนฺติฯ อทิสฺสมานรูปาหิ ปน ยกฺขิเปตีหิ, เมถุนสฺส อวตฺถุภูตาย จ ติรจฺฉานคติตฺถิยา อนาปตฺติฯ ปฐมทิวเสปีติ ปฐมสฺมิํ วิย สิกฺขาปเท น จตุเตฺถเยว ทิวเส, อถ โข อิธ ปฐมทิวเสปีติ อโตฺถฯ อิมินา อิธ ทิวสปริเจฺฉโท นตฺถีติ ทเสฺสติฯ อเงฺคสุ ปน ปาจิตฺติยวตฺถุกเสนาสนํ, ตตฺถ มาตุคาเมน สห นิปชฺชนํ, สูริยตฺถงฺคมนนฺติ ตีณิ องฺคานีติ อยมฺปิ วิเสโส ทฎฺฐโพฺพฯ
Manussitthiyāti jīvamānakamanussitthiyā. ‘‘Matitthī pana kiñcāpi pārājikavatthubhūtā, anupādinnapakkhe pana ṭhitattā sahaseyyāpattiṃ na karotī’’ti (vajira. ṭī. pācittiya 55) vadanti. Adissamānarūpāhi pana yakkhipetīhi, methunassa avatthubhūtāya ca tiracchānagatitthiyā anāpatti. Paṭhamadivasepīti paṭhamasmiṃ viya sikkhāpade na catuttheyeva divase, atha kho idha paṭhamadivasepīti attho. Iminā idha divasaparicchedo natthīti dasseti. Aṅgesu pana pācittiyavatthukasenāsanaṃ, tattha mātugāmena saha nipajjanaṃ, sūriyatthaṅgamananti tīṇi aṅgānīti ayampi viseso daṭṭhabbo.
ทุติยสหเสยฺยสิกฺขาปทวณฺณนา นิฎฺฐิตาฯ
Dutiyasahaseyyasikkhāpadavaṇṇanā niṭṭhitā.
