| Library / Tipiṭaka / তিপিটক • Tipiṭaka / কঙ্খাৰিতরণী-অভিনৰ-টীকা • Kaṅkhāvitaraṇī-abhinava-ṭīkā |
৬. দুতিযসহসেয্যসিক্খাপদৰণ্ণনা
6. Dutiyasahaseyyasikkhāpadavaṇṇanā
মনুস্সিত্থিযাতি জীৰমানকমনুস্সিত্থিযা। ‘‘মতিত্থী পন কিঞ্চাপি পারাজিকৰত্থুভূতা, অনুপাদিন্নপক্খে পন ঠিতত্তা সহসেয্যাপত্তিং ন করোতী’’তি (ৰজির॰ টী॰ পাচিত্তিয ৫৫) ৰদন্তি। অদিস্সমানরূপাহি পন যক্খিপেতীহি, মেথুনস্স অৰত্থুভূতায চ তিরচ্ছানগতিত্থিযা অনাপত্তি। পঠমদিৰসেপীতি পঠমস্মিং ৰিয সিক্খাপদে ন চতুত্থেযেৰ দিৰসে, অথ খো ইধ পঠমদিৰসেপীতি অত্থো। ইমিনা ইধ দিৰসপরিচ্ছেদো নত্থীতি দস্সেতি। অঙ্গেসু পন পাচিত্তিযৰত্থুকসেনাসনং, তত্থ মাতুগামেন সহ নিপজ্জনং, সূরিযত্থঙ্গমনন্তি তীণি অঙ্গানীতি অযম্পি ৰিসেসো দট্ঠব্বো।
Manussitthiyāti jīvamānakamanussitthiyā. ‘‘Matitthī pana kiñcāpi pārājikavatthubhūtā, anupādinnapakkhe pana ṭhitattā sahaseyyāpattiṃ na karotī’’ti (vajira. ṭī. pācittiya 55) vadanti. Adissamānarūpāhi pana yakkhipetīhi, methunassa avatthubhūtāya ca tiracchānagatitthiyā anāpatti. Paṭhamadivasepīti paṭhamasmiṃ viya sikkhāpade na catuttheyeva divase, atha kho idha paṭhamadivasepīti attho. Iminā idha divasaparicchedo natthīti dasseti. Aṅgesu pana pācittiyavatthukasenāsanaṃ, tattha mātugāmena saha nipajjanaṃ, sūriyatthaṅgamananti tīṇi aṅgānīti ayampi viseso daṭṭhabbo.
দুতিযসহসেয্যসিক্খাপদৰণ্ণনা নিট্ঠিতা।
Dutiyasahaseyyasikkhāpadavaṇṇanā niṭṭhitā.
