| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
6. து³தியஸஹஸெய்யஸிக்கா²பத³வண்ணனா
6. Dutiyasahaseyyasikkhāpadavaṇṇanā
மனுஸ்ஸித்தி²யாதி ஜீவமானகமனுஸ்ஸித்தி²யா. ‘‘மதித்தீ² பன கிஞ்சாபி பாராஜிகவத்து²பூ⁴தா, அனுபாதி³ன்னபக்கே² பன டி²தத்தா ஸஹஸெய்யாபத்திங் ந கரோதீ’’தி (வஜிர॰ டீ॰ பாசித்திய 55) வத³ந்தி. அதி³ஸ்ஸமானரூபாஹி பன யக்கி²பேதீஹி, மேது²னஸ்ஸ அவத்து²பூ⁴தாய ச திரச்சா²னக³தித்தி²யா அனாபத்தி. பட²மதி³வஸேபீதி பட²மஸ்மிங் விய ஸிக்கா²பதே³ ந சதுத்தே²யேவ தி³வஸே, அத² கோ² இத⁴ பட²மதி³வஸேபீதி அத்தோ². இமினா இத⁴ தி³வஸபரிச்சே²தோ³ நத்தீ²தி த³ஸ்ஸேதி. அங்கே³ஸு பன பாசித்தியவத்து²கஸேனாஸனங், தத்த² மாதுகா³மேன ஸஹ நிபஜ்ஜனங், ஸூரியத்த²ங்க³மனந்தி தீணி அங்கா³னீதி அயம்பி விஸேஸோ த³ட்ட²ப்³போ³.
Manussitthiyāti jīvamānakamanussitthiyā. ‘‘Matitthī pana kiñcāpi pārājikavatthubhūtā, anupādinnapakkhe pana ṭhitattā sahaseyyāpattiṃ na karotī’’ti (vajira. ṭī. pācittiya 55) vadanti. Adissamānarūpāhi pana yakkhipetīhi, methunassa avatthubhūtāya ca tiracchānagatitthiyā anāpatti. Paṭhamadivasepīti paṭhamasmiṃ viya sikkhāpade na catuttheyeva divase, atha kho idha paṭhamadivasepīti attho. Iminā idha divasaparicchedo natthīti dasseti. Aṅgesu pana pācittiyavatthukasenāsanaṃ, tattha mātugāmena saha nipajjanaṃ, sūriyatthaṅgamananti tīṇi aṅgānīti ayampi viseso daṭṭhabbo.
து³தியஸஹஸெய்யஸிக்கா²பத³வண்ணனா நிட்டி²தா.
Dutiyasahaseyyasikkhāpadavaṇṇanā niṭṭhitā.
