10. д̣̇уд̇ияарааг̇асуд̇д̇ам̣

10. Dutiyarāgasuttaṃ

69. вуд̇д̇ан̃хзд̇ам̣ бхаг̇авад̇аа, вуд̇д̇амарахад̇аад̇и мз суд̇ам̣ –

69. Vuttañhetaṃ bhagavatā, vuttamarahatāti me sutaṃ –

‘‘яасса гассажи, бхигкавз, бхигкусса ваа бхигкунияаа ваа рааг̇о аббахийно, д̣̇осо аббахийно, мохо аббахийно – аяам̣ вужжад̇и, бхигкавз, на ‘ад̇ари ¹ самуд̣̇д̣̇ам̣ сауумим̣ савийжим̣ сааваддам̣ саг̇ахам̣ сарагкасам̣’. яасса гассажи, бхигкавз, бхигкусса ваа бхигкунияаа ваа рааг̇о бахийно, д̣̇осо бахийно, мохо бахийно – аяам̣ вужжад̇и, бхигкавз, ‘ад̇ари самуд̣̇д̣̇ам̣ сауумим̣ савийжим̣ сааваддам̣ саг̇ахам̣ сарагкасам̣, д̇ин̣н̣о бааран̇г̇ад̇о ² т̇алз д̇идтад̇и б̣раахман̣о’’’д̇и. зд̇амад̇т̇ам̣ бхаг̇аваа авожа. д̇ад̇т̇зд̇ам̣ ид̇и вужжад̇и –

‘‘Yassa kassaci, bhikkhave, bhikkhussa vā bhikkhuniyā vā rāgo appahīno, doso appahīno, moho appahīno – ayaṃ vuccati, bhikkhave, na ‘atari ³ samuddaṃ saūmiṃ savīciṃ sāvaṭṭaṃ sagahaṃ sarakkhasaṃ’. Yassa kassaci, bhikkhave, bhikkhussa vā bhikkhuniyā vā rāgo pahīno, doso pahīno, moho pahīno – ayaṃ vuccati, bhikkhave, ‘atari samuddaṃ saūmiṃ savīciṃ sāvaṭṭaṃ sagahaṃ sarakkhasaṃ, tiṇṇo pāraṅgato ⁴ thale tiṭṭhati brāhmaṇo’’’ti. Etamatthaṃ bhagavā avoca. Tatthetaṃ iti vuccati –

‘‘яасса рааг̇о жа д̣̇осо жа, авиж̇ж̇аа жа вирааж̇ид̇аа;

‘‘Yassa rāgo ca doso ca, avijjā ca virājitā;

сомам̣ самуд̣̇д̣̇ам̣ саг̇ахам̣ сарагкасам̣, сауумибхаяам̣ д̣̇уд̇д̇арам̣ ажжад̇аари.

Somaṃ samuddaṃ sagahaṃ sarakkhasaṃ, saūmibhayaṃ duttaraṃ accatāri.

‘‘сан̇г̇аад̇иг̇о мажжуж̇ахо нируубад̇хи, бахааси д̣̇угкам̣ абунаб̣бхавааяа;

‘‘Saṅgātigo maccujaho nirūpadhi, pahāsi dukkhaṃ apunabbhavāya;

ад̇т̇ан̇г̇ад̇о со на бамаан̣амзд̇и, амохаяи мажжурааж̇анд̇и б̣руумий’’д̇и.

Atthaṅgato so na pamāṇameti, amohayi maccurājanti brūmī’’ti.

аяамби ад̇т̇о вуд̇д̇о бхаг̇авад̇аа, ид̇и мз суд̇анд̇и. д̣̇асамам̣.

Ayampi attho vutto bhagavatā, iti me sutanti. Dasamaṃ.

д̣̇уд̇ияо ваг̇г̇о нидтид̇о.

Dutiyo vaggo niṭṭhito.

д̇ассуд̣̇д̣̇аанам̣ –

Tassuddānaṃ –

бун̃н̃ам̣ жагку ат̇а инд̣̇рияаани ⁵, ад̣̇д̇хаа жа жарид̇ам̣ д̣̇увз сожи ⁶;

Puññaṃ cakkhu atha indriyāni ⁷, addhā ca caritaṃ duve soci ⁸;

муно ⁹ ат̇а рааг̇ад̣̇увз, буна ваг̇г̇амааху д̣̇уд̇ияамуд̇д̇аманд̇и.

Muno ¹⁰ atha rāgaduve, puna vaggamāhu dutiyamuttamanti.

Next: 3. д̇ад̇ияаваг̇г̇о • 3. Tatiyavaggo

Footnotes:

1. ад̇ин̣н̣о (га. сий. га.)

2. баараг̇ад̇о (сий. адта. сяаа.)

3. atiṇṇo (ka. sī. ka.)

4. pāragato (sī. aṭṭha. syā.)

5. ад̇т̇инд̣̇рияаа (сяаа.)

6. сужи (сяаа.)

7. atthindriyā (syā.)

8. suci (syā.)

9. мунз (сяаа.)

10. mune (syā.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ид̇ивуд̇д̇ага-адтагат̇аа • Itivuttaka-aṭṭhakathā / 10. д̣̇уд̇ияарааг̇асуд̇д̇аван̣н̣анаа • 10. Dutiyarāgasuttavaṇṇanā

© 1991-2026 Titi Tudorancea Yoga Bulletin | Titi Tudorancea^® is a Registered Trademark | Terms of use and privacy policy
Contact