| Library / Tipiṭaka / තිපිටක • Tipiṭaka / අඞ්ගුත්තරනිකාය • Aṅguttaranikāya |
10. දුතියපුග්ගලසුත්තං
10. Dutiyapuggalasuttaṃ
60. ‘‘අට්ඨිමෙ, භික්ඛවෙ, පුග්ගලා ආහුනෙය්යා…පෙ.… අනුත්තරං පුඤ්ඤක්ඛෙත්තං ලොකස්ස. කතමෙ අට්ඨ? සොතාපන්නො , සොතාපත්තිඵලසච්ඡිකිරියාය පටිපන්නො…පෙ.… අරහා, අරහත්තාය පටිපන්නො. ඉමෙ ඛො, භික්ඛවෙ, අට්ඨ පුග්ගලා ආහුනෙය්යා…පෙ.… අනුත්තරං පුඤ්ඤක්ඛෙත්තං ලොකස්සා’’ති.
60. ‘‘Aṭṭhime, bhikkhave, puggalā āhuneyyā…pe… anuttaraṃ puññakkhettaṃ lokassa. Katame aṭṭha? Sotāpanno , sotāpattiphalasacchikiriyāya paṭipanno…pe… arahā, arahattāya paṭipanno. Ime kho, bhikkhave, aṭṭha puggalā āhuneyyā…pe… anuttaraṃ puññakkhettaṃ lokassā’’ti.
‘‘චත්තාරො ච පටිපන්නා, චත්තාරො ච ඵලෙ ඨිතා;
‘‘Cattāro ca paṭipannā, cattāro ca phale ṭhitā;
එස සඞ්ඝො සමුක්කට්ඨො, සත්තානං අට්ඨ පුග්ගලා.
Esa saṅgho samukkaṭṭho, sattānaṃ aṭṭha puggalā.
‘‘යජමානානං මනුස්සානං, පුඤ්ඤපෙක්ඛාන පාණිනං;
‘‘Yajamānānaṃ manussānaṃ, puññapekkhāna pāṇinaṃ;
කරොතං ඔපධිකං පුඤ්ඤං, එත්ථ දින්නං මහප්ඵල’’න්ති. දසමං;
Karotaṃ opadhikaṃ puññaṃ, ettha dinnaṃ mahapphala’’nti. dasamaṃ;
ගොතමීවග්ගො පඨමො.
Gotamīvaggo paṭhamo.
තස්සුද්දානං –
Tassuddānaṃ –
ගොතමී ඔවාදං සංඛිත්තං, දීඝජාණු ච උජ්ජයො;
Gotamī ovādaṃ saṃkhittaṃ, dīghajāṇu ca ujjayo;
භයා ද්වෙ ආහුනෙය්යා ච, ද්වෙ ච අට්ඨ පුග්ගලාති.
Bhayā dve āhuneyyā ca, dve ca aṭṭha puggalāti.
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / අඞ්ගුත්තරනිකාය (අට්ඨකථා) • Aṅguttaranikāya (aṭṭhakathā) / 9-10. පුග්ගලසුත්තද්වයවණ්ණනා • 9-10. Puggalasuttadvayavaṇṇanā
ටීකා • Tīkā / සුත්තපිටක (ටීකා) • Suttapiṭaka (ṭīkā) / අඞ්ගුත්තරනිකාය (ටීකා) • Aṅguttaranikāya (ṭīkā) / 6-10. පුග්ගලසුත්තාදිවණ්ණනා • 6-10. Puggalasuttādivaṇṇanā
