| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ • Aṅguttaranikāya |
೧೦. ದುತಿಯಪುಗ್ಗಲಸುತ್ತಂ
10. Dutiyapuggalasuttaṃ
೬೦. ‘‘ಅಟ್ಠಿಮೇ, ಭಿಕ್ಖವೇ, ಪುಗ್ಗಲಾ ಆಹುನೇಯ್ಯಾ…ಪೇ॰… ಅನುತ್ತರಂ ಪುಞ್ಞಕ್ಖೇತ್ತಂ ಲೋಕಸ್ಸ। ಕತಮೇ ಅಟ್ಠ? ಸೋತಾಪನ್ನೋ , ಸೋತಾಪತ್ತಿಫಲಸಚ್ಛಿಕಿರಿಯಾಯ ಪಟಿಪನ್ನೋ…ಪೇ॰… ಅರಹಾ, ಅರಹತ್ತಾಯ ಪಟಿಪನ್ನೋ। ಇಮೇ ಖೋ, ಭಿಕ್ಖವೇ, ಅಟ್ಠ ಪುಗ್ಗಲಾ ಆಹುನೇಯ್ಯಾ…ಪೇ॰… ಅನುತ್ತರಂ ಪುಞ್ಞಕ್ಖೇತ್ತಂ ಲೋಕಸ್ಸಾ’’ತಿ।
60. ‘‘Aṭṭhime, bhikkhave, puggalā āhuneyyā…pe… anuttaraṃ puññakkhettaṃ lokassa. Katame aṭṭha? Sotāpanno , sotāpattiphalasacchikiriyāya paṭipanno…pe… arahā, arahattāya paṭipanno. Ime kho, bhikkhave, aṭṭha puggalā āhuneyyā…pe… anuttaraṃ puññakkhettaṃ lokassā’’ti.
‘‘ಚತ್ತಾರೋ ಚ ಪಟಿಪನ್ನಾ, ಚತ್ತಾರೋ ಚ ಫಲೇ ಠಿತಾ।
‘‘Cattāro ca paṭipannā, cattāro ca phale ṭhitā;
ಏಸ ಸಙ್ಘೋ ಸಮುಕ್ಕಟ್ಠೋ, ಸತ್ತಾನಂ ಅಟ್ಠ ಪುಗ್ಗಲಾ॥
Esa saṅgho samukkaṭṭho, sattānaṃ aṭṭha puggalā.
‘‘ಯಜಮಾನಾನಂ ಮನುಸ್ಸಾನಂ, ಪುಞ್ಞಪೇಕ್ಖಾನ ಪಾಣಿನಂ।
‘‘Yajamānānaṃ manussānaṃ, puññapekkhāna pāṇinaṃ;
ಕರೋತಂ ಓಪಧಿಕಂ ಪುಞ್ಞಂ, ಏತ್ಥ ದಿನ್ನಂ ಮಹಪ್ಫಲ’’ನ್ತಿ॥ ದಸಮಂ।
Karotaṃ opadhikaṃ puññaṃ, ettha dinnaṃ mahapphala’’nti. dasamaṃ;
ಗೋತಮೀವಗ್ಗೋ ಪಠಮೋ।
Gotamīvaggo paṭhamo.
ತಸ್ಸುದ್ದಾನಂ –
Tassuddānaṃ –
ಗೋತಮೀ ಓವಾದಂ ಸಂಖಿತ್ತಂ, ದೀಘಜಾಣು ಚ ಉಜ್ಜಯೋ।
Gotamī ovādaṃ saṃkhittaṃ, dīghajāṇu ca ujjayo;
ಭಯಾ ದ್ವೇ ಆಹುನೇಯ್ಯಾ ಚ, ದ್ವೇ ಚ ಅಟ್ಠ ಪುಗ್ಗಲಾತಿ॥
Bhayā dve āhuneyyā ca, dve ca aṭṭha puggalāti.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) / ೯-೧೦. ಪುಗ್ಗಲಸುತ್ತದ್ವಯವಣ್ಣನಾ • 9-10. Puggalasuttadvayavaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೬-೧೦. ಪುಗ್ಗಲಸುತ್ತಾದಿವಣ್ಣನಾ • 6-10. Puggalasuttādivaṇṇanā
