| Library / Tipiṭaka / तिपिटक • Tipiṭaka / अङ्गुत्तरनिकाय • Aṅguttaranikāya |
१०. दुतियपुग्गलसुत्तं
10. Dutiyapuggalasuttaṃ
६०. ‘‘अट्ठिमे, भिक्खवे, पुग्गला आहुनेय्या…पे॰… अनुत्तरं पुञ्ञक्खेत्तं लोकस्स। कतमे अट्ठ? सोतापन्नो , सोतापत्तिफलसच्छिकिरियाय पटिपन्नो…पे॰… अरहा, अरहत्ताय पटिपन्नो। इमे खो, भिक्खवे, अट्ठ पुग्गला आहुनेय्या…पे॰… अनुत्तरं पुञ्ञक्खेत्तं लोकस्सा’’ति।
60. ‘‘Aṭṭhime, bhikkhave, puggalā āhuneyyā…pe… anuttaraṃ puññakkhettaṃ lokassa. Katame aṭṭha? Sotāpanno , sotāpattiphalasacchikiriyāya paṭipanno…pe… arahā, arahattāya paṭipanno. Ime kho, bhikkhave, aṭṭha puggalā āhuneyyā…pe… anuttaraṃ puññakkhettaṃ lokassā’’ti.
‘‘चत्तारो च पटिपन्ना, चत्तारो च फले ठिता।
‘‘Cattāro ca paṭipannā, cattāro ca phale ṭhitā;
एस सङ्घो समुक्कट्ठो, सत्तानं अट्ठ पुग्गला॥
Esa saṅgho samukkaṭṭho, sattānaṃ aṭṭha puggalā.
‘‘यजमानानं मनुस्सानं, पुञ्ञपेक्खान पाणिनं।
‘‘Yajamānānaṃ manussānaṃ, puññapekkhāna pāṇinaṃ;
करोतं ओपधिकं पुञ्ञं, एत्थ दिन्नं महप्फल’’न्ति॥ दसमं।
Karotaṃ opadhikaṃ puññaṃ, ettha dinnaṃ mahapphala’’nti. dasamaṃ;
गोतमीवग्गो पठमो।
Gotamīvaggo paṭhamo.
तस्सुद्दानं –
Tassuddānaṃ –
गोतमी ओवादं संखित्तं, दीघजाणु च उज्जयो।
Gotamī ovādaṃ saṃkhittaṃ, dīghajāṇu ca ujjayo;
भया द्वे आहुनेय्या च, द्वे च अट्ठ पुग्गलाति॥
Bhayā dve āhuneyyā ca, dve ca aṭṭha puggalāti.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / ९-१०. पुग्गलसुत्तद्वयवण्णना • 9-10. Puggalasuttadvayavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ६-१०. पुग्गलसुत्तादिवण्णना • 6-10. Puggalasuttādivaṇṇanā
