| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༤. དུཏིཡཔཊིཔདཱསུཏྟཾ
4. Dutiyapaṭipadāsuttaṃ
༢༤. སཱཝཏྠིནིདཱནཾ། ‘‘གིཧིནོ ཝཱཧཾ, བྷིཀྑཝེ, པབྦཛིཏསྶ ཝཱ མིཙྪཱཔཊིཔདཾ ན ཝཎྞེམི། གིཧི ཝཱ, བྷིཀྑཝེ, པབྦཛིཏོ ཝཱ མིཙྪཱཔཊིཔནྣོ མིཙྪཱཔཊིཔཏྟཱདྷིཀརཎཧེཏུ ནཱརཱདྷཀོ ཧོཏི ཉཱཡཾ དྷམྨཾ ཀུསལཾ’’།
24. Sāvatthinidānaṃ. ‘‘Gihino vāhaṃ, bhikkhave, pabbajitassa vā micchāpaṭipadaṃ na vaṇṇemi. Gihi vā, bhikkhave, pabbajito vā micchāpaṭipanno micchāpaṭipattādhikaraṇahetu nārādhako hoti ñāyaṃ dhammaṃ kusalaṃ’’.
‘‘ཀཏམཱ ཙ, བྷིཀྑཝེ, མིཙྪཱཔཊིཔདཱ? སེཡྻཐིདཾ – མིཙྪཱདིཊྛི…པེ॰… མིཙྪཱསམཱདྷི། ཨཡཾ ཝུཙྩཏི, བྷིཀྑཝེ, མིཙྪཱཔཊིཔདཱ། གིཧིནོ ཝཱཧཾ, བྷིཀྑཝེ, པབྦཛིཏསྶ ཝཱ མིཙྪཱཔཊིཔདཾ ན ཝཎྞེམི། གིཧི ཝཱ, བྷིཀྑཝེ, པབྦཛིཏོ ཝཱ མིཙྪཱཔཊིཔནྣོ མིཙྪཱཔཊིཔཏྟཱདྷིཀརཎཧེཏུ ནཱརཱདྷཀོ ཧོཏི ཉཱཡཾ དྷམྨཾ ཀུསལཾ།
‘‘Katamā ca, bhikkhave, micchāpaṭipadā? Seyyathidaṃ – micchādiṭṭhi…pe… micchāsamādhi. Ayaṃ vuccati, bhikkhave, micchāpaṭipadā. Gihino vāhaṃ, bhikkhave, pabbajitassa vā micchāpaṭipadaṃ na vaṇṇemi. Gihi vā, bhikkhave, pabbajito vā micchāpaṭipanno micchāpaṭipattādhikaraṇahetu nārādhako hoti ñāyaṃ dhammaṃ kusalaṃ.
‘‘གིཧིནོ ཝཱཧཾ, བྷིཀྑཝེ, པབྦཛིཏསྶ ཝཱ སམྨཱཔཊིཔདཾ ཝཎྞེམི། གིཧི ཝཱ, བྷིཀྑཝེ, པབྦཛིཏོ ཝཱ སམྨཱཔཊིཔནྣོ སམྨཱཔཊིཔཏྟཱདྷིཀརཎཧེཏུ ཨཱརཱདྷཀོ ཧོཏི ཉཱཡཾ དྷམྨཾ ཀུསལཾ། ཀཏམཱ ཙ, བྷིཀྑཝེ, སམྨཱཔཊིཔདཱ? སེཡྻཐིདཾ – སམྨཱདིཊྛི…པེ॰… སམྨཱསམཱདྷི། ཨཡཾ ཝུཙྩཏི, བྷིཀྑཝེ, སམྨཱཔཊིཔདཱ། གིཧིནོ ཝཱཧཾ, བྷིཀྑཝེ, པབྦཛིཏསྶ ཝཱ སམྨཱཔཊིཔདཾ ཝཎྞེམི། གིཧི ཝཱ, བྷིཀྑཝེ , པབྦཛིཏོ ཝཱ སམྨཱཔཊིཔནྣོ སམྨཱཔཊིཔཏྟཱདྷིཀརཎཧེཏུ ཨཱརཱདྷཀོ ཧོཏི ཉཱཡཾ དྷམྨཾ ཀུསལ’’ནྟི། ཙཏུཏྠཾ།
‘‘Gihino vāhaṃ, bhikkhave, pabbajitassa vā sammāpaṭipadaṃ vaṇṇemi. Gihi vā, bhikkhave, pabbajito vā sammāpaṭipanno sammāpaṭipattādhikaraṇahetu ārādhako hoti ñāyaṃ dhammaṃ kusalaṃ. Katamā ca, bhikkhave, sammāpaṭipadā? Seyyathidaṃ – sammādiṭṭhi…pe… sammāsamādhi. Ayaṃ vuccati, bhikkhave, sammāpaṭipadā. Gihino vāhaṃ, bhikkhave, pabbajitassa vā sammāpaṭipadaṃ vaṇṇemi. Gihi vā, bhikkhave , pabbajito vā sammāpaṭipanno sammāpaṭipattādhikaraṇahetu ārādhako hoti ñāyaṃ dhammaṃ kusala’’nti. Catutthaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༣. མིཙྪཏྟཝགྒཝཎྞནཱ • 3. Micchattavaggavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༣. མིཙྪཏྟཝགྒཝཎྞནཱ • 3. Micchattavaggavaṇṇanā
