| Library / Tipiṭaka / তিপিটক • Tipiṭaka / কঙ্খাৰিতরণী-অভিনৰ-টীকা • Kaṅkhāvitaraṇī-abhinava-ṭīkā |
২. দুতিযপরিমণ্ডলসিক্খাপদৰণ্ণনা
2. Dutiyaparimaṇḍalasikkhāpadavaṇṇanā
পটিক্খিত্তং গিহিপারুতন্তি খুদ্দকৰত্থুখন্ধকে পটিক্খিত্তং গিহিপারুতং। ইদানি ‘‘ন, ভিক্খৰে’’তিআদিনা (চূল়ৰ॰ ২৮০-২৮১) সঙ্খেপেন ৰুত্তমত্থমেৰ ৰিত্থারেত্ৰা দস্সেতুং ‘‘তত্থা’’তিআদিমাহ। যং কিঞ্চি অঞ্ঞথা পারুতন্তি সম্বন্ধো। তস্মাতি যস্মা সেতপটপারুতাদি গিহিপারুতং নাম, তস্মা। সেতপটাতি এতস্সেৰ ৰিৰরণং। অড্ঢপালকনিগণ্ঠাতি অড্ঢং পালেন্তীতি অড্ঢপালকা, অড্ঢপালকা চ তে নিগণ্ঠা চাতি অড্ঢপালকনিগণ্ঠা। তে হি উপরি একমেৰ সেতৰত্থং উপকচ্ছকে পৰেসেত্ৰা পরিদহন্তি, হেট্ঠা নগ্গাপি অড্ঢমেৰ পালেন্তি। পরিব্বাজকাতি গিহিবন্ধনং পহায পব্বজ্জূপগতা। উরং ৰিৰরিত্ৰাতি হদযমজ্ঝং ৰিৰরিত্ৰা। অক্খিতারকামত্তন্তি অক্খিমত্তং। আরামে ৰাতি বুদ্ধূপট্ঠানাদিকালং সন্ধায ৰুত্তং। অন্তরঘরে ৰাতি অন্তরে ঘরানি এত্থ, এতস্সাতি ৰা ‘‘অন্তরঘর’’ন্তি লদ্ধনামে গামে।
Paṭikkhittaṃgihipārutanti khuddakavatthukhandhake paṭikkhittaṃ gihipārutaṃ. Idāni ‘‘na, bhikkhave’’tiādinā (cūḷava. 280-281) saṅkhepena vuttamatthameva vitthāretvā dassetuṃ ‘‘tatthā’’tiādimāha. Yaṃ kiñci aññathā pārutanti sambandho. Tasmāti yasmā setapaṭapārutādi gihipārutaṃ nāma, tasmā. Setapaṭāti etasseva vivaraṇaṃ. Aḍḍhapālakanigaṇṭhāti aḍḍhaṃ pālentīti aḍḍhapālakā, aḍḍhapālakā ca te nigaṇṭhā cāti aḍḍhapālakanigaṇṭhā. Te hi upari ekameva setavatthaṃ upakacchake pavesetvā paridahanti, heṭṭhā naggāpi aḍḍhameva pālenti. Paribbājakāti gihibandhanaṃ pahāya pabbajjūpagatā. Uraṃ vivaritvāti hadayamajjhaṃ vivaritvā. Akkhitārakāmattanti akkhimattaṃ. Ārāme vāti buddhūpaṭṭhānādikālaṃ sandhāya vuttaṃ. Antaraghare vāti antare gharāni ettha, etassāti vā ‘‘antaraghara’’nti laddhanāme gāme.
দুতিযপরিমণ্ডলসিক্খাপদৰণ্ণনা নিট্ঠিতা।
Dutiyaparimaṇḍalasikkhāpadavaṇṇanā niṭṭhitā.
