| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၉. ဒုတိယပရိဟာနိသုတ္တဝဏ္ဏနာ
9. Dutiyaparihānisuttavaṇṇanā
၂၉. နဝမေ ဘိက္ခုဒသ္သနံ ဟာပေတီတိ ဘိက္ခုသင္ဃသ္သ ဒသ္သနတ္ထာယ ဂမနံ ဟာပေတိ။ အဓိသီလေတိ ပဉ္စသီလဒသသီလသင္ခာတေ ဥတ္တမသီလေ။ ဣတော ဗဟိဒ္ဓာတိ ဣမမ္ဟာ သာသနာ ဗဟိဒ္ဓာ။ ဒက္ခိဏေယ္ယံ ဂဝေသတီတိ ဒေယ္ယဓမ္မပဋိဂ္ဂာဟကေ ပရိယေသတိ။ တတ္ထ စ ပုဗ္ဗကာရံ ကရောတီတိ တေသံ ဗာဟိရာနံ တိတ္ထိယာနံ ဒတ္ဝာ ပစ္ဆာ ဘိက္ခူနံ ဒေတိ။ သေသံ သဗ္ဗတ္ထ ဥတ္တာနမေဝာတိ။
29. Navame bhikkhudassanaṃ hāpetīti bhikkhusaṅghassa dassanatthāya gamanaṃ hāpeti. Adhisīleti pañcasīladasasīlasaṅkhāte uttamasīle. Ito bahiddhāti imamhā sāsanā bahiddhā. Dakkhiṇeyyaṃ gavesatīti deyyadhammapaṭiggāhake pariyesati. Tattha ca pubbakāraṃ karotīti tesaṃ bāhirānaṃ titthiyānaṃ datvā pacchā bhikkhūnaṃ deti. Sesaṃ sabbattha uttānamevāti.
ဝဇ္ဇိသတ္တကဝဂ္ဂော တတိယော။
Vajjisattakavaggo tatiyo.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၉. ဒုတိယပရိဟာနိသုတ္တံ • 9. Dutiyaparihānisuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၇-၁၁. သညာသုတ္တာဒိဝဏ္ဏနာ • 7-11. Saññāsuttādivaṇṇanā
