| Library / Tipiṭaka / ཏིཔིཊཀ • Tipiṭaka / པརིཝཱརཔཱལི༹ • Parivārapāḷi |
༢. དུཏིཡཔཱརཱཛིཀསམུཊྛཱནཾ
2. Dutiyapārājikasamuṭṭhānaṃ
༢༥༩.
259.
ཨདིནྣཾ ཝིགྒཧུཏྟརི, དུཊྛུལླཱ ཨཏྟཀཱམིནཾ།
Adinnaṃ viggahuttari, duṭṭhullā attakāminaṃ;
ཨམཱུལཱ ཨཉྙབྷཱགིཡཱ, ཨནིཡཏཱ དུཏིཡིཀཱ༎
Amūlā aññabhāgiyā, aniyatā dutiyikā.
ཨཙྪིནྡེ པརིཎཱམནེ, མུསཱ ཨོམསཔེསུཎཱ།
Acchinde pariṇāmane, musā omasapesuṇā;
དུཊྛུལླཱ པཐཝཱིཁཎེ, བྷཱུཏཾ ཨཉྙཱཡ ཨུཛ྄ཛྷཱཔེ༎
Duṭṭhullā pathavīkhaṇe, bhūtaṃ aññāya ujjhāpe.
ནིཀྐཌྜྷནཾ སིཉྩནཉྩ, ཨཱམིསཧེཏུ བྷུཏྟཱཝཱི།
Nikkaḍḍhanaṃ siñcanañca, āmisahetu bhuttāvī;
ཨེཧི ཨནཱདརི བྷིཾསཱ, ཨཔནིདྷེ ཙ ཛཱིཝིཏཾ༎
Ehi anādari bhiṃsā, apanidhe ca jīvitaṃ.
ཛཱནཾ སཔྤཱཎཀཾ ཀམྨཾ, ཨཱུནསཾཝཱསནཱསནཱ།
Jānaṃ sappāṇakaṃ kammaṃ, ūnasaṃvāsanāsanā;
སཧདྷམྨིཀཝིལེཁཱ, མོཧོ ཨམཱུལཀེན ཙ༎
Sahadhammikavilekhā, moho amūlakena ca.
ཀུཀྐུཙྩཾ དྷམྨིཀཾ ཙཱིཝརཾ, དཏྭཱ 1 པརིཎཱམེཡྻ པུགྒལེ།
Kukkuccaṃ dhammikaṃ cīvaraṃ, datvā 2 pariṇāmeyya puggale;
ཀིཾ ཏེ ཨཀཱལཾ ཨཙྪིནྡེ, དུགྒཧཱི ནིརཡེན ཙ༎
Kiṃ te akālaṃ acchinde, duggahī nirayena ca.
གཎཾ ཝིབྷངྒཾ དུབྦལཾ, ཀཐིནཱཕཱསུཔསྶཡཾ།
Gaṇaṃ vibhaṅgaṃ dubbalaṃ, kathināphāsupassayaṃ;
ཨཀྐོསཙཎྜཱི མཙྪརཱི, གབྦྷིནཱི ཙ པཱཡནྟིཡཱ༎
Akkosacaṇḍī maccharī, gabbhinī ca pāyantiyā.
དྭེཝསྶཾ སིཀྑཱ སངྒྷེན, ཏཡོ ཙེཝ གིཧཱིགཏཱ།
Dvevassaṃ sikkhā saṅghena, tayo ceva gihīgatā;
ཀུམཱརིབྷཱུཏཱ ཏིསྶོ ཙ, ཨཱུནདྭཱདསསམྨཏཱ༎
Kumāribhūtā tisso ca, ūnadvādasasammatā.
ཨལཾ ཏཱཝ སོཀཱཝཱསཾ, ཚནྡཱ ཨནུཝསྶཱ ཙ དྭེ།
Alaṃ tāva sokāvāsaṃ, chandā anuvassā ca dve;
སིཀྑཱཔདཱ སཏྟཏིམེ, སམུཊྛཱནཱ ཏིཀཱ ཀཏཱ༎
Sikkhāpadā sattatime, samuṭṭhānā tikā katā.
ཀཱཡཙིཏྟེན ན ཝཱཙཱ, ཝཱཙཱཙིཏྟཾ ན ཀཱཡིཀཾ།
Kāyacittena na vācā, vācācittaṃ na kāyikaṃ;
ཏཱིཧི དྭཱརེཧི ཛཱཡནྟི, པཱརཱཛིཀཾ དུཏིཡཾ ཡཐཱ༎
Tīhi dvārehi jāyanti, pārājikaṃ dutiyaṃ yathā.
དུཏིཡཔཱརཱཛིཀསམུཊྛཱནཾ ནིཊྛིཏཾ།
Dutiyapārājikasamuṭṭhānaṃ niṭṭhitaṃ.
Footnotes:
Related texts:
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / པརིཝཱར-ཨཊྛཀཐཱ • Parivāra-aṭṭhakathā / དུཏིཡཔཱརཱཛིཀསམུཊྛཱནཝཎྞནཱ • Dutiyapārājikasamuṭṭhānavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / དུཏིཡཔཱརཱཛིཀསམུཊྛཱནཝཎྞནཱ • Dutiyapārājikasamuṭṭhānavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / དུཏིཡཔཱརཱཛིཀསམུཊྛཱནཝཎྞནཱ • Dutiyapārājikasamuṭṭhānavaṇṇanā
