| Library / Tipiṭaka / තිපිටක • Tipiṭaka / පරිවාරපාළි • Parivārapāḷi |
2. දුතියපාරාජිකසමුට්ඨානං
2. Dutiyapārājikasamuṭṭhānaṃ
259.
259.
අදින්නං විග්ගහුත්තරි, දුට්ඨුල්ලා අත්තකාමිනං;
Adinnaṃ viggahuttari, duṭṭhullā attakāminaṃ;
අමූලා අඤ්ඤභාගියා, අනියතා දුතියිකා.
Amūlā aññabhāgiyā, aniyatā dutiyikā.
අච්ඡින්දෙ පරිණාමනෙ, මුසා ඔමසපෙසුණා;
Acchinde pariṇāmane, musā omasapesuṇā;
දුට්ඨුල්ලා පථවීඛණෙ, භූතං අඤ්ඤාය උජ්ඣාපෙ.
Duṭṭhullā pathavīkhaṇe, bhūtaṃ aññāya ujjhāpe.
නික්කඩ්ඪනං සිඤ්චනඤ්ච, ආමිසහෙතු භුත්තාවී;
Nikkaḍḍhanaṃ siñcanañca, āmisahetu bhuttāvī;
එහි අනාදරි භිංසා, අපනිධෙ ච ජීවිතං.
Ehi anādari bhiṃsā, apanidhe ca jīvitaṃ.
ජානං සප්පාණකං කම්මං, ඌනසංවාසනාසනා;
Jānaṃ sappāṇakaṃ kammaṃ, ūnasaṃvāsanāsanā;
සහධම්මිකවිලෙඛා, මොහො අමූලකෙන ච.
Sahadhammikavilekhā, moho amūlakena ca.
කුක්කුච්චං ධම්මිකං චීවරං, දත්වා 1 පරිණාමෙය්ය පුග්ගලෙ;
Kukkuccaṃ dhammikaṃ cīvaraṃ, datvā 2 pariṇāmeyya puggale;
කිං තෙ අකාලං අච්ඡින්දෙ, දුග්ගහී නිරයෙන ච.
Kiṃ te akālaṃ acchinde, duggahī nirayena ca.
ගණං විභඞ්ගං දුබ්බලං, කථිනාඵාසුපස්සයං;
Gaṇaṃ vibhaṅgaṃ dubbalaṃ, kathināphāsupassayaṃ;
අක්කොසචණ්ඩී මච්ඡරී, ගබ්භිනී ච පායන්තියා.
Akkosacaṇḍī maccharī, gabbhinī ca pāyantiyā.
ද්වෙවස්සං සික්ඛා සඞ්ඝෙන, තයො චෙව ගිහීගතා;
Dvevassaṃ sikkhā saṅghena, tayo ceva gihīgatā;
කුමාරිභූතා තිස්සො ච, ඌනද්වාදසසම්මතා.
Kumāribhūtā tisso ca, ūnadvādasasammatā.
අලං තාව සොකාවාසං, ඡන්දා අනුවස්සා ච ද්වෙ;
Alaṃ tāva sokāvāsaṃ, chandā anuvassā ca dve;
සික්ඛාපදා සත්තතිමෙ, සමුට්ඨානා තිකා කතා.
Sikkhāpadā sattatime, samuṭṭhānā tikā katā.
කායචිත්තෙන න වාචා, වාචාචිත්තං න කායිකං;
Kāyacittena na vācā, vācācittaṃ na kāyikaṃ;
තීහි ද්වාරෙහි ජායන්ති, පාරාජිකං දුතියං යථා.
Tīhi dvārehi jāyanti, pārājikaṃ dutiyaṃ yathā.
දුතියපාරාජිකසමුට්ඨානං නිට්ඨිතං.
Dutiyapārājikasamuṭṭhānaṃ niṭṭhitaṃ.
Footnotes:
Related texts:
අට්ඨකථා • Aṭṭhakathā / විනයපිටක (අට්ඨකථා) • Vinayapiṭaka (aṭṭhakathā) / පරිවාර-අට්ඨකථා • Parivāra-aṭṭhakathā / දුතියපාරාජිකසමුට්ඨානවණ්ණනා • Dutiyapārājikasamuṭṭhānavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්ධි-ටීකා • Vajirabuddhi-ṭīkā / දුතියපාරාජිකසමුට්ඨානවණ්ණනා • Dutiyapārājikasamuṭṭhānavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්යාදියොජනාපාළි • Pācityādiyojanāpāḷi / දුතියපාරාජිකසමුට්ඨානවණ්ණනා • Dutiyapārājikasamuṭṭhānavaṇṇanā
