| Library / Tipiṭaka / ತಿಪಿಟಕ • Tipiṭaka / ಪರಿವಾರಪಾಳಿ • Parivārapāḷi |
೨. ದುತಿಯಪಾರಾಜಿಕಸಮುಟ್ಠಾನಂ
2. Dutiyapārājikasamuṭṭhānaṃ
೨೫೯.
259.
ಅದಿನ್ನಂ ವಿಗ್ಗಹುತ್ತರಿ, ದುಟ್ಠುಲ್ಲಾ ಅತ್ತಕಾಮಿನಂ।
Adinnaṃ viggahuttari, duṭṭhullā attakāminaṃ;
ಅಮೂಲಾ ಅಞ್ಞಭಾಗಿಯಾ, ಅನಿಯತಾ ದುತಿಯಿಕಾ॥
Amūlā aññabhāgiyā, aniyatā dutiyikā.
ಅಚ್ಛಿನ್ದೇ ಪರಿಣಾಮನೇ, ಮುಸಾ ಓಮಸಪೇಸುಣಾ।
Acchinde pariṇāmane, musā omasapesuṇā;
ದುಟ್ಠುಲ್ಲಾ ಪಥವೀಖಣೇ, ಭೂತಂ ಅಞ್ಞಾಯ ಉಜ್ಝಾಪೇ॥
Duṭṭhullā pathavīkhaṇe, bhūtaṃ aññāya ujjhāpe.
ನಿಕ್ಕಡ್ಢನಂ ಸಿಞ್ಚನಞ್ಚ, ಆಮಿಸಹೇತು ಭುತ್ತಾವೀ।
Nikkaḍḍhanaṃ siñcanañca, āmisahetu bhuttāvī;
ಏಹಿ ಅನಾದರಿ ಭಿಂಸಾ, ಅಪನಿಧೇ ಚ ಜೀವಿತಂ॥
Ehi anādari bhiṃsā, apanidhe ca jīvitaṃ.
ಜಾನಂ ಸಪ್ಪಾಣಕಂ ಕಮ್ಮಂ, ಊನಸಂವಾಸನಾಸನಾ।
Jānaṃ sappāṇakaṃ kammaṃ, ūnasaṃvāsanāsanā;
ಸಹಧಮ್ಮಿಕವಿಲೇಖಾ, ಮೋಹೋ ಅಮೂಲಕೇನ ಚ॥
Sahadhammikavilekhā, moho amūlakena ca.
ಕುಕ್ಕುಚ್ಚಂ ಧಮ್ಮಿಕಂ ಚೀವರಂ, ದತ್ವಾ 1 ಪರಿಣಾಮೇಯ್ಯ ಪುಗ್ಗಲೇ।
Kukkuccaṃ dhammikaṃ cīvaraṃ, datvā 2 pariṇāmeyya puggale;
ಕಿಂ ತೇ ಅಕಾಲಂ ಅಚ್ಛಿನ್ದೇ, ದುಗ್ಗಹೀ ನಿರಯೇನ ಚ॥
Kiṃ te akālaṃ acchinde, duggahī nirayena ca.
ಗಣಂ ವಿಭಙ್ಗಂ ದುಬ್ಬಲಂ, ಕಥಿನಾಫಾಸುಪಸ್ಸಯಂ।
Gaṇaṃ vibhaṅgaṃ dubbalaṃ, kathināphāsupassayaṃ;
ಅಕ್ಕೋಸಚಣ್ಡೀ ಮಚ್ಛರೀ, ಗಬ್ಭಿನೀ ಚ ಪಾಯನ್ತಿಯಾ॥
Akkosacaṇḍī maccharī, gabbhinī ca pāyantiyā.
ದ್ವೇವಸ್ಸಂ ಸಿಕ್ಖಾ ಸಙ್ಘೇನ, ತಯೋ ಚೇವ ಗಿಹೀಗತಾ।
Dvevassaṃ sikkhā saṅghena, tayo ceva gihīgatā;
ಕುಮಾರಿಭೂತಾ ತಿಸ್ಸೋ ಚ, ಊನದ್ವಾದಸಸಮ್ಮತಾ॥
Kumāribhūtā tisso ca, ūnadvādasasammatā.
ಅಲಂ ತಾವ ಸೋಕಾವಾಸಂ, ಛನ್ದಾ ಅನುವಸ್ಸಾ ಚ ದ್ವೇ।
Alaṃ tāva sokāvāsaṃ, chandā anuvassā ca dve;
ಸಿಕ್ಖಾಪದಾ ಸತ್ತತಿಮೇ, ಸಮುಟ್ಠಾನಾ ತಿಕಾ ಕತಾ॥
Sikkhāpadā sattatime, samuṭṭhānā tikā katā.
ಕಾಯಚಿತ್ತೇನ ನ ವಾಚಾ, ವಾಚಾಚಿತ್ತಂ ನ ಕಾಯಿಕಂ।
Kāyacittena na vācā, vācācittaṃ na kāyikaṃ;
ತೀಹಿ ದ್ವಾರೇಹಿ ಜಾಯನ್ತಿ, ಪಾರಾಜಿಕಂ ದುತಿಯಂ ಯಥಾ॥
Tīhi dvārehi jāyanti, pārājikaṃ dutiyaṃ yathā.
ದುತಿಯಪಾರಾಜಿಕಸಮುಟ್ಠಾನಂ ನಿಟ್ಠಿತಂ।
Dutiyapārājikasamuṭṭhānaṃ niṭṭhitaṃ.
Footnotes:
Related texts:
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಪರಿವಾರ-ಅಟ್ಠಕಥಾ • Parivāra-aṭṭhakathā / ದುತಿಯಪಾರಾಜಿಕಸಮುಟ್ಠಾನವಣ್ಣನಾ • Dutiyapārājikasamuṭṭhānavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ದುತಿಯಪಾರಾಜಿಕಸಮುಟ್ಠಾನವಣ್ಣನಾ • Dutiyapārājikasamuṭṭhānavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ದುತಿಯಪಾರಾಜಿಕಸಮುಟ್ಠಾನವಣ್ಣನಾ • Dutiyapārājikasamuṭṭhānavaṇṇanā
