| Library / Tipiṭaka / ติปิฎก • Tipiṭaka / ปริวารปาฬิ • Parivārapāḷi |
๒. ทุติยปาราชิกสมุฎฺฐานํ
2. Dutiyapārājikasamuṭṭhānaṃ
๒๕๙.
259.
อทินฺนํ วิคฺคหุตฺตริ, ทุฎฺฐุลฺลา อตฺตกามินํ;
Adinnaṃ viggahuttari, duṭṭhullā attakāminaṃ;
อมูลา อญฺญภาคิยา, อนิยตา ทุติยิกาฯ
Amūlā aññabhāgiyā, aniyatā dutiyikā.
อจฺฉิเนฺท ปริณามเน, มุสา โอมสเปสุณา;
Acchinde pariṇāmane, musā omasapesuṇā;
ทุฎฺฐุลฺลา ปถวีขเณ, ภูตํ อญฺญาย อุชฺฌาเปฯ
Duṭṭhullā pathavīkhaṇe, bhūtaṃ aññāya ujjhāpe.
นิกฺกฑฺฒนํ สิญฺจนญฺจ, อามิสเหตุ ภุตฺตาวี;
Nikkaḍḍhanaṃ siñcanañca, āmisahetu bhuttāvī;
เอหิ อนาทริ ภิํสา, อปนิเธ จ ชีวิตํฯ
Ehi anādari bhiṃsā, apanidhe ca jīvitaṃ.
ชานํ สปฺปาณกํ กมฺมํ, อูนสํวาสนาสนา;
Jānaṃ sappāṇakaṃ kammaṃ, ūnasaṃvāsanāsanā;
สหธมฺมิกวิเลขา, โมโห อมูลเกน จฯ
Sahadhammikavilekhā, moho amūlakena ca.
กุกฺกุจฺจํ ธมฺมิกํ จีวรํ, ทตฺวา 1 ปริณาเมยฺย ปุคฺคเล;
Kukkuccaṃ dhammikaṃ cīvaraṃ, datvā 2 pariṇāmeyya puggale;
กิํ เต อกาลํ อจฺฉิเนฺท, ทุคฺคหี นิรเยน จฯ
Kiṃ te akālaṃ acchinde, duggahī nirayena ca.
คณํ วิภงฺคํ ทุพฺพลํ, กถินาผาสุปสฺสยํ;
Gaṇaṃ vibhaṅgaṃ dubbalaṃ, kathināphāsupassayaṃ;
อโกฺกสจณฺฑี มจฺฉรี, คพฺภินี จ ปายนฺติยาฯ
Akkosacaṇḍī maccharī, gabbhinī ca pāyantiyā.
เทฺววสฺสํ สิกฺขา สเงฺฆน, ตโย เจว คิหีคตา;
Dvevassaṃ sikkhā saṅghena, tayo ceva gihīgatā;
กุมาริภูตา ติโสฺส จ, อูนทฺวาทสสมฺมตาฯ
Kumāribhūtā tisso ca, ūnadvādasasammatā.
อลํ ตาว โสกาวาสํ, ฉนฺทา อนุวสฺสา จ เทฺว;
Alaṃ tāva sokāvāsaṃ, chandā anuvassā ca dve;
สิกฺขาปทา สตฺตติเม, สมุฎฺฐานา ติกา กตาฯ
Sikkhāpadā sattatime, samuṭṭhānā tikā katā.
กายจิเตฺตน น วาจา, วาจาจิตฺตํ น กายิกํ;
Kāyacittena na vācā, vācācittaṃ na kāyikaṃ;
ตีหิ ทฺวาเรหิ ชายนฺติ, ปาราชิกํ ทุติยํ ยถาฯ
Tīhi dvārehi jāyanti, pārājikaṃ dutiyaṃ yathā.
ทุติยปาราชิกสมุฎฺฐานํ นิฎฺฐิตํฯ
Dutiyapārājikasamuṭṭhānaṃ niṭṭhitaṃ.
Footnotes:
Related texts:
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ปริวาร-อฎฺฐกถา • Parivāra-aṭṭhakathā / ทุติยปาราชิกสมุฎฺฐานวณฺณนา • Dutiyapārājikasamuṭṭhānavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ทุติยปาราชิกสมุฎฺฐานวณฺณนา • Dutiyapārājikasamuṭṭhānavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ทุติยปาราชิกสมุฎฺฐานวณฺณนา • Dutiyapārājikasamuṭṭhānavaṇṇanā
