| Library / Tipiṭaka / తిపిటక • Tipiṭaka / పరివారపాళి • Parivārapāḷi |
౨. దుతియపారాజికసముట్ఠానం
2. Dutiyapārājikasamuṭṭhānaṃ
౨౫౯.
259.
అదిన్నం విగ్గహుత్తరి, దుట్ఠుల్లా అత్తకామినం;
Adinnaṃ viggahuttari, duṭṭhullā attakāminaṃ;
అమూలా అఞ్ఞభాగియా, అనియతా దుతియికా.
Amūlā aññabhāgiyā, aniyatā dutiyikā.
అచ్ఛిన్దే పరిణామనే, ముసా ఓమసపేసుణా;
Acchinde pariṇāmane, musā omasapesuṇā;
దుట్ఠుల్లా పథవీఖణే, భూతం అఞ్ఞాయ ఉజ్ఝాపే.
Duṭṭhullā pathavīkhaṇe, bhūtaṃ aññāya ujjhāpe.
నిక్కడ్ఢనం సిఞ్చనఞ్చ, ఆమిసహేతు భుత్తావీ;
Nikkaḍḍhanaṃ siñcanañca, āmisahetu bhuttāvī;
ఏహి అనాదరి భింసా, అపనిధే చ జీవితం.
Ehi anādari bhiṃsā, apanidhe ca jīvitaṃ.
జానం సప్పాణకం కమ్మం, ఊనసంవాసనాసనా;
Jānaṃ sappāṇakaṃ kammaṃ, ūnasaṃvāsanāsanā;
సహధమ్మికవిలేఖా, మోహో అమూలకేన చ.
Sahadhammikavilekhā, moho amūlakena ca.
కుక్కుచ్చం ధమ్మికం చీవరం, దత్వా 1 పరిణామేయ్య పుగ్గలే;
Kukkuccaṃ dhammikaṃ cīvaraṃ, datvā 2 pariṇāmeyya puggale;
కిం తే అకాలం అచ్ఛిన్దే, దుగ్గహీ నిరయేన చ.
Kiṃ te akālaṃ acchinde, duggahī nirayena ca.
గణం విభఙ్గం దుబ్బలం, కథినాఫాసుపస్సయం;
Gaṇaṃ vibhaṅgaṃ dubbalaṃ, kathināphāsupassayaṃ;
అక్కోసచణ్డీ మచ్ఛరీ, గబ్భినీ చ పాయన్తియా.
Akkosacaṇḍī maccharī, gabbhinī ca pāyantiyā.
ద్వేవస్సం సిక్ఖా సఙ్ఘేన, తయో చేవ గిహీగతా;
Dvevassaṃ sikkhā saṅghena, tayo ceva gihīgatā;
కుమారిభూతా తిస్సో చ, ఊనద్వాదససమ్మతా.
Kumāribhūtā tisso ca, ūnadvādasasammatā.
అలం తావ సోకావాసం, ఛన్దా అనువస్సా చ ద్వే;
Alaṃ tāva sokāvāsaṃ, chandā anuvassā ca dve;
సిక్ఖాపదా సత్తతిమే, సముట్ఠానా తికా కతా.
Sikkhāpadā sattatime, samuṭṭhānā tikā katā.
కాయచిత్తేన న వాచా, వాచాచిత్తం న కాయికం;
Kāyacittena na vācā, vācācittaṃ na kāyikaṃ;
తీహి ద్వారేహి జాయన్తి, పారాజికం దుతియం యథా.
Tīhi dvārehi jāyanti, pārājikaṃ dutiyaṃ yathā.
దుతియపారాజికసముట్ఠానం నిట్ఠితం.
Dutiyapārājikasamuṭṭhānaṃ niṭṭhitaṃ.
Footnotes:
Related texts:
అట్ఠకథా • Aṭṭhakathā / వినయపిటక (అట్ఠకథా) • Vinayapiṭaka (aṭṭhakathā) / పరివార-అట్ఠకథా • Parivāra-aṭṭhakathā / దుతియపారాజికసముట్ఠానవణ్ణనా • Dutiyapārājikasamuṭṭhānavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / దుతియపారాజికసముట్ఠానవణ్ణనా • Dutiyapārājikasamuṭṭhānavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / దుతియపారాజికసముట్ఠానవణ్ణనా • Dutiyapārājikasamuṭṭhānavaṇṇanā
