| Library / Tipiṭaka / তিপিটক • Tipiṭaka / পরিৰারপাল়ি • Parivārapāḷi |
২. দুতিযপারাজিকসমুট্ঠানং
2. Dutiyapārājikasamuṭṭhānaṃ
২৫৯.
259.
অদিন্নং ৰিগ্গহুত্তরি, দুট্ঠুল্লা অত্তকামিনং।
Adinnaṃ viggahuttari, duṭṭhullā attakāminaṃ;
অমূলা অঞ্ঞভাগিযা, অনিযতা দুতিযিকা॥
Amūlā aññabhāgiyā, aniyatā dutiyikā.
অচ্ছিন্দে পরিণামনে, মুসা ওমসপেসুণা।
Acchinde pariṇāmane, musā omasapesuṇā;
দুট্ঠুল্লা পথৰীখণে, ভূতং অঞ্ঞায উজ্ঝাপে॥
Duṭṭhullā pathavīkhaṇe, bhūtaṃ aññāya ujjhāpe.
নিক্কড্ঢনং সিঞ্চনঞ্চ, আমিসহেতু ভুত্তাৰী।
Nikkaḍḍhanaṃ siñcanañca, āmisahetu bhuttāvī;
এহি অনাদরি ভিংসা, অপনিধে চ জীৰিতং॥
Ehi anādari bhiṃsā, apanidhe ca jīvitaṃ.
জানং সপ্পাণকং কম্মং, ঊনসংৰাসনাসনা।
Jānaṃ sappāṇakaṃ kammaṃ, ūnasaṃvāsanāsanā;
সহধম্মিকৰিলেখা, মোহো অমূলকেন চ॥
Sahadhammikavilekhā, moho amūlakena ca.
কুক্কুচ্চং ধম্মিকং চীৰরং, দত্ৰা 1 পরিণামেয্য পুগ্গলে।
Kukkuccaṃ dhammikaṃ cīvaraṃ, datvā 2 pariṇāmeyya puggale;
কিং তে অকালং অচ্ছিন্দে, দুগ্গহী নিরযেন চ॥
Kiṃ te akālaṃ acchinde, duggahī nirayena ca.
গণং ৰিভঙ্গং দুব্বলং, কথিনাফাসুপস্সযং।
Gaṇaṃ vibhaṅgaṃ dubbalaṃ, kathināphāsupassayaṃ;
অক্কোসচণ্ডী মচ্ছরী, গব্ভিনী চ পাযন্তিযা॥
Akkosacaṇḍī maccharī, gabbhinī ca pāyantiyā.
দ্ৰেৰস্সং সিক্খা সঙ্ঘেন, তযো চেৰ গিহীগতা।
Dvevassaṃ sikkhā saṅghena, tayo ceva gihīgatā;
কুমারিভূতা তিস্সো চ, ঊনদ্ৰাদসসম্মতা॥
Kumāribhūtā tisso ca, ūnadvādasasammatā.
অলং তাৰ সোকাৰাসং, ছন্দা অনুৰস্সা চ দ্ৰে।
Alaṃ tāva sokāvāsaṃ, chandā anuvassā ca dve;
সিক্খাপদা সত্ততিমে, সমুট্ঠানা তিকা কতা॥
Sikkhāpadā sattatime, samuṭṭhānā tikā katā.
কাযচিত্তেন ন ৰাচা, ৰাচাচিত্তং ন কাযিকং।
Kāyacittena na vācā, vācācittaṃ na kāyikaṃ;
তীহি দ্ৰারেহি জাযন্তি, পারাজিকং দুতিযং যথা॥
Tīhi dvārehi jāyanti, pārājikaṃ dutiyaṃ yathā.
দুতিযপারাজিকসমুট্ঠানং নিট্ঠিতং।
Dutiyapārājikasamuṭṭhānaṃ niṭṭhitaṃ.
Footnotes:
Related texts:
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / পরিৰার-অট্ঠকথা • Parivāra-aṭṭhakathā / দুতিযপারাজিকসমুট্ঠানৰণ্ণনা • Dutiyapārājikasamuṭṭhānavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / দুতিযপারাজিকসমুট্ঠানৰণ্ণনা • Dutiyapārājikasamuṭṭhānavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / দুতিযপারাজিকসমুট্ঠানৰণ্ণনা • Dutiyapārājikasamuṭṭhānavaṇṇanā
