| Library / Tipiṭaka / ತಿಪಿಟಕ • Tipiṭaka / ಕಙ್ಖಾವಿತರಣೀ-ಪುರಾಣ-ಟೀಕಾ • Kaṅkhāvitaraṇī-purāṇa-ṭīkā |
೨. ದುತಿಯಾನಿಯತಸಿಕ್ಖಾಪದವಣ್ಣನಾ
2. Dutiyāniyatasikkhāpadavaṇṇanā
ಸಙ್ಘಾದಿಸೇಸೇನ ವಾತಿ ಕಾಯಸಂಸಗ್ಗದುಟ್ಠುಲ್ಲೋಭಾಸನೇನ। ತಸ್ಮಾ ಏವಂ ಕಾಯಸಂಸಗ್ಗವಾರೋ ಪಾಳಿಯಮ್ಪಿ ವುತ್ತೋ। ಅನನ್ಧೋ ಅಬಧಿರೋತಿ ಅನನ್ಧೋ ಕಾಯಸಂಸಗ್ಗಂ ಪಸ್ಸತಿ, ಅಬಧಿರೋ ದುಟ್ಠುಲ್ಲಂ ಸುಣಾತಿ, ತಸ್ಮಾ ಏವ ಅದಿನ್ನಾದಾನಸದಿಸಾನೇವಾತಿ ವುತ್ತ’’ನ್ತಿ ಲಿಖಿತಂ। ಏತ್ಥ ಚ ಕಾಯವಾಚಾಚಿತ್ತತೋ ಸಮುಟ್ಠಾನಂ ಕಥನ್ತಿ ಚೇ? ಕಾಯಸಂಸಗ್ಗಞ್ಹಿ ಸಮಾಪಜ್ಜನ್ತೋ ದುಟ್ಠುಲ್ಲಮ್ಪಿ ಭಣತಿ, ದುಟ್ಠುಲ್ಲಂ ಭಣನ್ತೋ ನಿಸೀದತಿ ಚಾತಿ ಸಮ್ಭವತಿ, ದುಟ್ಠುಲ್ಲಮೇವ ವಾ ಸನ್ಧಾಯ ವುತ್ತಂ। ತಞ್ಹಿ ಅದಿನ್ನಾದಾನಸಮುಟ್ಠಾನನ್ತಿ।
Saṅghādisesenavāti kāyasaṃsaggaduṭṭhullobhāsanena. Tasmā evaṃ kāyasaṃsaggavāro pāḷiyampi vutto. Anandho abadhiroti anandho kāyasaṃsaggaṃ passati, abadhiro duṭṭhullaṃ suṇāti, tasmā eva adinnādānasadisānevāti vutta’’nti likhitaṃ. Ettha ca kāyavācācittato samuṭṭhānaṃ kathanti ce? Kāyasaṃsaggañhi samāpajjanto duṭṭhullampi bhaṇati, duṭṭhullaṃ bhaṇanto nisīdati cāti sambhavati, duṭṭhullameva vā sandhāya vuttaṃ. Tañhi adinnādānasamuṭṭhānanti.
ಯೋ ದೇಸನಂ ಸಬ್ಬವಿದೂಪಮೋವ।
Yo desanaṃ sabbavidūpamova;
ನಾನಾನಯಾಕಾರವಿಚಿತ್ತಭೇದಂ।
Nānānayākāravicittabhedaṃ;
ಞಾತುಂ ಉಪಾಯಾನ ಮನೋ ಸತಿಮಾ।
Ñātuṃ upāyāna mano satimā;
ತಂ ಲಾಭಹೇತುಂ ನ ಕರೋತಿ ಪುಞ್ಞನ್ತಿ॥
Taṃ lābhahetuṃ na karoti puññanti.
ದುತಿಯಾನಿಯತಸಿಕ್ಖಾಪದವಣ್ಣನಾ ನಿಟ್ಠಿತಾ।
Dutiyāniyatasikkhāpadavaṇṇanā niṭṭhitā.
ಅನಿಯತವಣ್ಣನಾ ನಿಟ್ಠಿತಾ।
Aniyatavaṇṇanā niṭṭhitā.
