| Library / Tipiṭaka / তিপিটক • Tipiṭaka / কঙ্খাৰিতরণী-পুরাণ-টীকা • Kaṅkhāvitaraṇī-purāṇa-ṭīkā |
২. দুতিযানিযতসিক্খাপদৰণ্ণনা
2. Dutiyāniyatasikkhāpadavaṇṇanā
সঙ্ঘাদিসেসেন ৰাতি কাযসংসগ্গদুট্ঠুল্লোভাসনেন। তস্মা এৰং কাযসংসগ্গৰারো পাল়িযম্পি ৰুত্তো। অনন্ধো অবধিরোতি অনন্ধো কাযসংসগ্গং পস্সতি, অবধিরো দুট্ঠুল্লং সুণাতি, তস্মা এৰ অদিন্নাদানসদিসানেৰাতি ৰুত্ত’’ন্তি লিখিতং। এত্থ চ কাযৰাচাচিত্ততো সমুট্ঠানং কথন্তি চে? কাযসংসগ্গঞ্হি সমাপজ্জন্তো দুট্ঠুল্লম্পি ভণতি, দুট্ঠুল্লং ভণন্তো নিসীদতি চাতি সম্ভৰতি, দুট্ঠুল্লমেৰ ৰা সন্ধায ৰুত্তং। তঞ্হি অদিন্নাদানসমুট্ঠানন্তি।
Saṅghādisesenavāti kāyasaṃsaggaduṭṭhullobhāsanena. Tasmā evaṃ kāyasaṃsaggavāro pāḷiyampi vutto. Anandho abadhiroti anandho kāyasaṃsaggaṃ passati, abadhiro duṭṭhullaṃ suṇāti, tasmā eva adinnādānasadisānevāti vutta’’nti likhitaṃ. Ettha ca kāyavācācittato samuṭṭhānaṃ kathanti ce? Kāyasaṃsaggañhi samāpajjanto duṭṭhullampi bhaṇati, duṭṭhullaṃ bhaṇanto nisīdati cāti sambhavati, duṭṭhullameva vā sandhāya vuttaṃ. Tañhi adinnādānasamuṭṭhānanti.
যো দেসনং সব্বৰিদূপমোৰ।
Yo desanaṃ sabbavidūpamova;
নানানযাকারৰিচিত্তভেদং।
Nānānayākāravicittabhedaṃ;
ঞাতুং উপাযান মনো সতিমা।
Ñātuṃ upāyāna mano satimā;
তং লাভহেতুং ন করোতি পুঞ্ঞন্তি॥
Taṃ lābhahetuṃ na karoti puññanti.
দুতিযানিযতসিক্খাপদৰণ্ণনা নিট্ঠিতা।
Dutiyāniyatasikkhāpadavaṇṇanā niṭṭhitā.
অনিযতৰণ্ণনা নিট্ঠিতা।
Aniyatavaṇṇanā niṭṭhitā.
